ગાંધીનગર / માલધારી મહાપંચાયતમાં લેવાયા 7 મોટા નિર્ણયઃ ઢોર નિયંત્રણ કાયદાના વિરોધમાં માલધારી સમાજ ફરી મેદાને

• ઢોર નિયંત્રણ કાયદાના વિરુદ્ધમાં માલધારીઓની બેઠક 
• 15 દિવસ વિત્યા છતાં નિર્ણય ન લેવાતા બેઠક યોજાઈ
• ઢોર નિયંત્રણ વિધેય કના વિરોધમાં નક્કી થયા કાર્યક્રમ 

માલધારી સમાજે ગાંધીનગરના ઝાંક ગમે બેઠકનું યોજી હતી. જેમાં કોંગ્રેસના ધારાસભ્ય રઘુ દેસાઈ અને લાખા ભરવાડ સહિતના આગેવાનો તથા માલઘારી મહાપંચાયત સમિતિના સભ્યો પણ હાજર રહ્યા હતા. જેમાં કાયદો પરત નહીં ખેંચાવા પર આંદોલનની રણનીતિ ઘડવામાં આવી છે. અગાઉ મુખ્યમંત્રીએ કાયદો પરત ખેંચવાની ખાતરી આપી હતી. સરકાર દ્વારા 15 દિવસમાં નિર્ણય લેવાની બાંહેધરી આપી હતી. આમ છતાં કાચદો પરત નહીં ખેંચાતા માલઘારી સમાજે બેઠક બોલાવી છે.

ઢોર નિયંત્રણ વિધેયકના વિરોધમાં નક્કી થયા કાર્યક્રમ 
સરકારના ઢોર નિયંત્રણ કાયદાથી માલધારી સમાજને નુકસાન થતું હોવાનો આરોપ લગાવાઇ રહ્યો છે. તો બીજી તરફ રાજ્યના મોટાભાગના શહેરોમાં રખડતા ઢોરથી લોકો હેરાનપરેશાન થયા છે. અનેક લોકો ઇજાગ્રસ્ત થઇ ચૂક્યા છે તો કેટલાકે પોતાનો જીવ પણ ગુમાવ્યો છે. ત્યારે હવે માલધારી સમાજે સરકારના આ ઢોર નિયંત્રણ વિધેયકના વિરોધમાં બેઠક બોલાવીને કાર્યક્રમ નક્કી કર્યા છે. 

1. ઢોર નિયંત્રણ વિધેયકના વિરોધ અંગેની પત્રિકા તૈયાર કરાશે
2. 11 થી 18 તારીખ સુધીમાં પત્રિકા ગુજરાતમાં ઘરે-ઘરે પહોંચાડવી
3. 20 થી 30 તારીખ દરમિયાન તમામ ધારાસભ્યનું સમર્થન મેળવવું 
4. વીડિયો રેકોર્ડિંગ અથવા લેખિતમાં ધારાસભ્યનું સમર્થન મેળવવું 
5. ધાર્મિક સંસ્થા અને મંદિરોનું પણ સમર્થન મેળવવું 
6. જરૂર પડશે તો સમગ્ર ગુજરાતમાં દૂધ બંધ કરવામાં આવશે
7. છેલ્લે સમગ્ર ગુજરાતની ગાયો ગાંધીનગરમાં લવાશે

અમે સરકારનું માન જાળવ્યું સરકાર અમારા સમાજનું માન સાચવેઃ ધારાસભ્ય રઘુ દેસાઈ

ધારાસભ્ય રઘુ દેસાઈએ કહ્યું કે, વિવિધ પ્રકારે અમારું આંદોલન શરૂ રહેશે. સરકારે આંદોલન ન કરવા વિનંતી કરી હતી. અમે સરકારનું માન જાળવ્યું છે. સરકાર અમારા સમાજનું માન સાચવે. અમે કૃષ્ણના વંશજ છીએ. સરકાર અમને રાજનીતિ ન શીખવાડે. રાજનીતિ અમારા લોહીમાં છે. સરકાર રાજનીતિ કરશે તો પરિણામ ભોગવવું પડશે.