ગુજરાત / રાજકોટમાં પાણીપૂરી ખાવા નીકળેલી મહિલાની ઘાતકી હત્યા, માથું છૂંદી નાખેલી લાશ મળતાં ચકચાર

રંગીલા રાજકોટમાં એક ખૌફનાક બનાવ સામે આવ્યો છે. ભગવતીપરામાં એક પરણેલી મહિલાની લાશ મળી આવી હતી. કોપરગ્રીન સોસાયટીમાં રહેચી સ્નેહા આસોડિયા ગત રોજ સાંજના સમયે પાણીપૂરી ખાવા નીકળી હતી. ઘરેથી નીકળતી વખતે તેણે પતિને મેસેજ કરીને કહ્યું કે તેઓ જ્યારે ફેક્ટરીમાંથી છૂટે ત્યારે તેને લેતા જાય. આ પછી તે પાણીપૂરી ખાવા ગઈ અને થોડી વારમાં તેની લાશ મળી આવી હતી.

માથું છૂંદીને કરાઈ હત્યા

બેડી ચોકડી નજીકથી સ્નેહાની લાશ મળી હતી. હત્યારાઓએ મોઢાના ભાગે તીક્ષ્ણ હથિયારના ઘા ઝીંકી અને માથું છૂંદી નાખીને આ હત્યા કરી હતી.

વધુ વાંચો : રાહુલ ગાંધીને લેટર લખનારા યોગેશ ગુપ્તા કોણ? છોકરીઓ પર કરે છે અશ્લીલ કોમેન્ટ, છવાયો રિપ્લાય

અજાણ્યા શખ્સો સામે ફરિયાદ

હત્યાના આ બનાવની જાણ થતાં જ રાજકોટ પોલીસના કાફલો ઘટનાસ્થળે દોડી ગયો અને તપાસ શરુ કરી દીધી હતી. લાશને પીએમ માટે મોકલીને પોલીસે અજાણ્યા ઈસમ વિરુદ્ધ ગુનો નોંધીને હત્યારાને ઝડપી પાડવા માટે ચક્રો ગતિમાન કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ