બ્રેકિંગ ન્યુઝ
VTV / ગુજરાત / અન્ય જિલ્લા / VIDEO : હાલોલમાં બ્લાસ્ટ કરતા મકાનોને અસર, લોકોનું જીવન બન્યું જોખમી
Last Updated: 02:47 PM, 21 November 2025
Halol Quarry Blast : પંચમહાલ જિલ્લાના હાલોલ તાલુકાના ગોપીપુરા ગામથી એક ગંભીર ઘટના સામે આવી છે. પાવાગઢ નજીક આવેલી ક્વોરી વિસ્તારમાં મોટા પાયે થતાં બ્લાસ્ટિંગને કારણે સ્થાનિક ગ્રામજનોના જીવન અને રોજિંદા કાર્યો પર સીધી અસર પડી રહી છે. તાજેતરમાં થયેલા બ્લાસ્ટ દરમિયાન ગામલોકોએ લાઈવ વિડિયો બનાવી સોશિયલ મીડિયા પર શેર કર્યા છે.
ADVERTISEMENT
સ્થાનિકોના જણાવ્યા મુજબ, અનેક વખત રજૂઆત છતા પણ ક્વોરી વિસ્તારમાં બિનિયંત્રિત રીતે બ્લાસ્ટિંગ ચાલુ છે. ગામની આંગણવાડી, રહેણાંક મકાનો, બોરવેલ અને કૂવાઓ પર આ ધડાકાઓની સીધી અસર થતી જોવા મળી રહી છે. ઘરોમાં તિરાડો પડી જવા, પાણીના સ્ત્રોતોમાં ખલેલ પહોંચવા તેમજ દીવાલોમાં કંપન અનુભવાય તેવી પરિસ્થિતિ ગામજનો સર્જાતી હોવાનો આક્ષેપ કરી રહ્યા છે.
પાવાગઢ નજીક ક્વોરીમાં બ્લાસ્ટ કરતા મકાનોને અસર, જુઓ વીડિયો #Pavagadh #QuarryBlast #GujaratNews #BreakingNews #Halol #ViralVideo #VillageDamage #CivicIssues #VTVDigital pic.twitter.com/QRmUQOQbt3
— VTV Gujarati News and Beyond (@VtvGujarati) November 21, 2025
ADVERTISEMENT
ગોપીપુરા જ નહીં, પરંતુ આજુબાજુના ગામોના લોકો પણ આ સમસ્યાથી પરેશાન છે. બાળકો, વૃદ્ધો અને મહિલાઓમાં સતત એક ભયનું વાતાવરણ છવાયેલું છે. સ્થાનિકોએ તંત્રને અનેક વખત લેખિત અને મૌખિક રજૂઆતો કરી હોવા છતાં કોઈ અસરકારક પગલાં લેવામાં આવ્યા નથી એવી રોષભરી પ્રતિક્રિયા પણ સાંભળી શકાય છે. જિલ્લા કલેકટર સહિતના અધિકારીઓને અવાજ ઊંચો કરવા છતા દરેક વખતની ફરિયાદો કાગળ પર જ સીમિત રહી જાય છે.

ADVERTISEMENT
તાજેતરમાં બનેલા બ્લાસ્ટનો લાઈવ વિડિયો બહાર આવતા આ મુદ્દો ફરી ચર્ચામાં આવ્યો છે. ગામલોકો માંગ કરી રહ્યા છે કે ટૂંક સમયમાં ટૂંકા ગાળાના નહીં પરંતુ કાયમી અને અસરકારક પગલાં લેવામાં આવે જેથી તેમના જીવ અને મિલ્કતને સુરક્ષા મળી રહે.
ADVERTISEMENT
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.