મોરબી / તંત્રની બેદરકારીએ બાળકનો ભોગ લીધો, ખુલ્લા ડ્રેનેજમાં પડી જવાથી 6 વર્ષના માસૂમનું મોત

મોરબીના નવલખા રોડ પર એક કરૂણ ઘટના બની છે. ડ્રેનેજના પાણીમાં ડૂબી જવાના કારણે 6 વર્ષીય બાળકનું મૃત્યુ નીપજ્યું છે. રવિ ચૌહાણ નામનો 6 વર્ષનો બાળક નાળામાં ડ્રેનેજના પાણીમાં ડૂબતા મોત થયું છે. બાળકના મૃતદેહને પોસ્ટમોર્ટમ માટે સિવિલ હોસ્પિટલ ખસેડાયો છે. ઘટનાની જાણ થતા જ પોલીસે ઘટના સ્થળે પહોંચી વધુ તાપસ હાથ ધરી છે.

પરિવારમાં શોકનું મોજુ

ઘટનાના પગલે પરિવારમાં શોકનું મોજુ ફરી વળ્યું છે તેમજ સમગ્ર ફળીયામાં સન્નાટો વ્યાપી જવા પામ્યો છે. ખુલ્લા નાળો હોવાથી બાળક રમતા રમતા તે ડ્રેનેજ પાણીના નાળામાં પડી ગયો હતો, જેમાં તે બાળકનું દુ:ખદ અવસાન થયું હતું.

આ પણ વાંચો: VIDEO: હર્ષ સંઘવીની પાકિસ્તાનીઓને ચેતવણી, અનંતનાગમાં 175 શંકાસ્પદોની અટકાયત, જુઓ આજના મોટા સમાચાર

મૃતદેહને પીએમ અર્થે ખસેડાયો

મોરબીમાં તંત્રની ઘોર બેદરકારીએ બાળકનો જીવ લઈ લીધો છે. ખુલ્લો નાળો હોવાથી આ દૂર્ઘટના બનતા સ્થાનિક લોકોમાં રોષ પણ જોવા મળી રહ્યો છે. આ ઘટનામાં મૃતક બાળકની ડેડ બોડીને સરકારી હોસ્પિટલ ખાતે પી.એમ.માટે મોકલવામાં આવી હતી. આ ઘટનામાં માસુમ બાળકના મોતથી પરિવાર પર આભ તૂટી પડ્યું હતું. આ ગોઝારી ઘટનાના પગલે સમગ્ર પંથકમાં ચકચાર મચી જવા પામી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ