Elections / જૂનાગઢ મનપા સહિત વિવિધ નગરપાલિકા, જિલ્લા અને તાલુકા પંચાયતમાં ચૂંટણી, 28 જુલાઈએ મતદાન, 30મીએ મતગણતરી

Gujarat Local Elections: ગુજરાત રાજ્ય ચૂંટણી આયોગે સ્થાનિક સ્વરાજ્યની સંસ્થાઓની 15 ખાલી બેઠકો માટે પેટાચૂંટણી જાહેર કરી છે. જેમાં જૂનાગઢ મનપા, દેવગઢ બારિયા, વિસનગર નગરપાલિકાની 8 બેઠકો, આણંદ જિલ્લા પંચાયતની 1 અને 6 તાલુકા પંચાયતોનો સમાવેશ થાય છે. આ બેઠકો પર 28 જુલાઈએ મતદાન થશે અને 30 જુલાઈએ મતગણતરી હાથ ધરાશે. ચૂંટણીની જાહેરાતની સાથે સંબંધિત વિસ્તારોમાં આદર્શ આચારસંહિતા અમલી બની ગઈ છે.

ગુજરાત રાજ્ય ચૂંટણી આયોગ દ્વારા રાજ્યની વિવિધ સ્થાનિક સ્વરાજ્યની સંસ્થાઓમાં ખાલી પડેલી કુલ 15 બેઠકો માટે પેટાચૂંટણીનો સત્તાવાર કાર્યક્રમ જાહેર કરવામાં આવ્યો છે. અખબારી યાદી મુજબ આ પેટા ચૂંટણીઓમાં જૂનાગઢ મહાનગરપાલિકાની 1 બેઠક, દેવગઢ બારિયા નગરપાલિકાની 6 બેઠકો અને વિસનગર નગરપાલિકાની 1 બેઠકનો સમાવેશ થાય છે.

આ ઉપરાંત આણંદ જિલ્લા પંચાયતની 1 બેઠક તેમજ હળવદ, પોશિના, સતલાસણા, હારીજ, નેત્રંગ અને ફાગવેલ તાલુકા પંચાયતોની કુલ 6 બેઠકો માટે પણ મતદાન યોજાશે. તમામ બેઠકો પર મતદાન પ્રક્રિયા સંપૂર્ણપણે ઈવીએમ (EVM) મશીનો દ્વારા જ કરવામાં આવશે.

આ પણ વાંચોઃ Gujarat / કાલે ગુજરાત આવશે વડાપ્રધાન નરેન્દ્ર મોદી, હજારો કરોડોની આપશે ભેટ, ધોલેરા-સુરતમાં શરૂ કરાવશે નવા પ્લાન્ટ

ચૂંટણીનો કાર્યક્રમ

ઉમેદવારી પત્ર ભરવાની છેલ્લી તારીખ: 14 જુલાઈ 2026

ઉમેદવારી પત્રોની ચકાસણી (સ્ક્રુટિની): 15 અને 16 જુલાઈ

ઉમેદવારી પત્ર ખેંચવાની છેલ્લી તારીખ: 16 અને 17 જુલાઈ (સ્થાનિક સ્વરાજ્યની સંસ્થાના પ્રકાર મુજબ)

મતદાનની તારીખ: 28 જુલાઈ (મંગળવાર, સવારે 7:00 થી સાંજના 6:00 વાગ્યા સુધી)

પુનઃ મતદાન (જો જરૂર જણાય તો): 29 જુલાઈ

મતગણતરી અને પરિણામ: 30 જુલાઈ, 2026

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ