મેગા ઓપરેશન / એક-બે નહીં, 35 દેશી દારૂના અડ્ડા પર જામનગર પોલીસના દરોડા, 14 તો મહિલાઓ ઝડપાઇ

ગુજરાતમાં આમતો દારૂબંધીનો નિયમ લાગુ છે. પરંતુ માત્ર કહેવા પૂરતો હોય તેમ ઢગલાબંધ ઝડપાય છે, અનેક સિદ્ધિઓ હાંસલ કરનાર ગુજરાતને અવાર નવાર દારુના દૂષણનું કલંક લાગતું હોય છે. રાજ્યમાં દારૂબંધીના નિયમનો ઉલાળીયાની અનેક ઘટનાઓ સામે આવતી હોય છે પરંતુ પોલીસ કડકાઈ કરે તો આ ઘટનાઓ ચોક્સપણે અટકી શકે છે. જામનગર પોલીસે શહેરમાં ધમધમતા 35 દેશી દારૂના અડ્ડા પર દરોડા પાડી આરોપીઓ પર કાર્યવાહી કરી છે.

35 જેટલા દેશી દારૂના અડ્ડા પર પોલીસે દરોડા પાડ્યા

જામનગરમાં દારૂની ભઠ્ઠીઓ પર પોલીસે તવાઇ બોલાવી છે. શહેરમાં જુદા જુદા વિસ્તારમાં ધમધમતા 35 જેટલા દેશી દારૂના અડ્ડા પર પોલીસે દરોડા પાડ્યા હતા. દિગ્જામ સર્કલ પાસે બાવરીવાસમાં ફૂટ પેટ્રોલિંગ કરાયું હતું. પોલીસની આ કાર્યવાહીમાં દારૂનો ધંધો કરતી 14 જેટલી મહિલાઓને પણ પકડી છે. ઉલ્લેખનીય છે કે, છેલ્લા 2 દિવસથી દારૂના અડ્ડા પર પોલીસે તપાસ કરી રહી છે. જેમાં DySP જયવીરસિંહ ઝાલા, PI, PSI સહિતનો સ્ટાફ કામગીરીમાં જોડાયો છે.

આ પણ વાંચો: હવેથી કચેરીની 200 મીટરની ત્રિજ્યામાં નહીં કરી શકાય આંદોલન, જિલ્લા વહીવટીતંત્રનો મોટો નિર્ણય

બુટલેગરો બેફામ?

નામ પૂરતા જ કહેવાતા ગાંધીના ગુજરાતમાં દારૂની હાટડીઓ સરેઆમ ધમધમી રહી છે. જો કે, જામનગર પોલીસની સરાહનીય છે પરંતુ ફક્ત જામનગર શહેરમાંથી 35 દારૂના અડ્ડા ઝડપાયા છે તો શું અન્ય જિલ્લા કે, વિસ્તારમાં દારૂની હાટડિયો નહી હોય? જો કે, રાજ્યમાં દારૂબંધીના નિયમનો ઉલાળીયો કરતા અનેક વીડિયો પણ અવાર નવાર સામે આવતા હોય છે

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ