મોટા સમાચાર / 'વક્ફ ધાર્મિક ટ્રસ્ટો જેવા ગણાશે' વક્ફ પ્રોપર્ટી વિવાદ વચ્ચે ગુજરાત HCનો મોટો ચુકાદો

Gujarat High Court on Waqf : ગુજરાત હાઇકોર્ટે આજે એક મોટો ચુકાદો આપ્યો છે. વાસ્તવમાં વક્ફ પ્રોપર્ટીના વિવાદ વચ્ચે ગુજરાત હાઈકોર્ટે મહત્વનો ચુકાદો આપતા સ્પષ્ટ કર્યું છે કે, હવે વક્ફને અન્ય ધાર્મિક ટ્રસ્ટોની સમકક્ષ માનવામાં આવશે. સંપત્તિ સંબંધિત કોઈપણ વિવાદમાં વક્ફ બોર્ડે કોર્ટ ફી ભરવી ફરજિયાત રહેશે. હિંદુ ધાર્મિક ટ્રસ્ટોની જેમ જ હવે વક્ફ બોર્ડને પણ નિયત કોર્ટ ફી ચૂકવવી પડશે.

શું કહ્યું ગુજરાત હાઇકોર્ટે ?

ગુજરાત હાઇકોર્ટનું કહેવું છે કે, કાયદાની દ્રષ્ટિએ કોઈપણ પક્ષ કાયદેસરની પ્રક્રિયાથી ઉપર નથી. અન્ય ધાર્મિક સંસ્થાઓને જે નિયમો લાગુ પડે છે, તે જ નિયમો હવે વક્ફ પર પણ લાગુ પડશે.

આ પણ વાંચો : રાજ્યમાં ગોગો પેપર પર પ્રતિબંધના 24 કલાકમાં વેચાણ, ઓનલાઈન વેબસાઈટ પર ઉપલબ્ધ

વક્ફ દ્વારા કોર્ટ ફીમાંથી મુક્તિ માગતી 150થી વધુ અરજીઓ ફગાવી

આ સાથે ગુજરાત હાઈકોર્ટે વક્ફ દ્વારા કોર્ટ ફીમાંથી મુક્તિ માગતી 150થી વધુ અરજીઓ ફગાવી દીધી છે. અત્યાર સુધી જૂના વક્ફ કાયદામાં સ્પષ્ટ જોગવાઈ ન હોવાને કારણે કોર્ટ ફીમાંથી જે મુક્તિ મળતી હતી તે હવે મળશે નહીં. હાઈકોર્ટનો આ આદેશ નાની દરગાહથી લઈને મોટી મસ્જિદોના સંચાલકો સુધી તમામ પર સમાન રીતે લાગુ પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ