બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / સુરત-સાબરકાંઠા સહિત 15 જિલ્લામાં હળવાથી મધ્યમ વરસાદની આગાહી, આગામી 7 દિવસ ભારે વરસાદની શક્યતા નહીં
6 ફોટો ગેલેરી
Last Updated: 06:47 AM, 19 August 2026
FOLLOW ON
શેર કરો
1/6
ગુજરાતમાં છેલ્લા 24 કલાક દરમિયાન રાજ્યના 115 તાલુકામાં વરસાદ નોંધાયો છે. સૌથી વધુ વરસાદ વલસાડ જિલ્લાના ધરમપુરમાં દોઢ ઇંચથી વધુ નોંધાયો છે. જ્યારે સુરત, નવસારી અને ડાંગ જિલ્લાના ચાર તાલુકામાં 1 ઇંચથી વધુ વરસાદ પડ્યો છે. જોકે આજે રાજ્યના કોઈપણ જિલ્લામાં ભારે વરસાદની શક્યતા વ્યક્ત કરવામાં આવી નથી. હવામાન વિભાગના જણાવ્યા અનુસાર ઉત્તર ગુજરાત, મધ્ય ગુજરાત અને દક્ષિણ ગુજરાતના વિવિધ વિસ્તારોમાં છૂટાછવાયા સ્થળોએ હળવાથી મધ્યમ વરસાદ પડી શકે છે.
આ તસવીર શેર કરો
2/6
હવામાન વિભાગના અનુસાર હાલમાં ગુજરાત ઉપર કુલ ચાર હવામાન સિસ્ટમ સક્રિય છે. જોકે આ તમામ સિસ્ટમની એક્ટિવિટી ઓછી હોવાથી રાજ્યમાં માત્ર હળવાથી મધ્યમ વરસાદની જ સંભાવના છે. આગામી 7 દિવસ દરમિયાન રાજ્યમાં ભારે વરસાદની કોઈ શક્યતા નથી. હાલમાં સાયક્લોનિક સર્ક્યુલેશન, મોન્સૂન ટ્રફ, ડિપ્રેશન અને અન્ય એક ટ્રફ સિસ્ટમ સક્રિય છે, જેના કારણે વાતાવરણમાં ભેજનું પ્રમાણ યથાવત છે અને છૂટાછવાયા વરસાદની સ્થિતિ બની રહી છે.
આ તસવીર શેર કરો
3/6
રાજ્યમાં અત્યાર સુધીના સમગ્ર મોસમ દરમિયાન સરેરાશ લગભગ 20 ઇંચ જેટલો વરસાદ નોંધાયો છે. આ વરસાદ સામાન્ય કરતાં લગભગ 1 ટકા ઓછો છે. જોકે અલગ-અલગ જિલ્લાઓમાં વરસાદનું પ્રમાણ અલગ જોવા મળી રહ્યું છે અને કેટલીક જગ્યાએ સામાન્ય કરતાં વધુ વરસાદ પણ નોંધાયો છે.
આ તસવીર શેર કરો
4/6
અમદાવાદ શહેરમાં પણ આજે દિવસ દરમિયાન વાદળછાયું વાતાવરણ રહેવાની શક્યતા છે. હવામાન વિભાગે શહેરમાં એકથી બે વખત વરસાદી ઝાપટાં પડવાની આગાહી કરી છે. છેલ્લા 24 કલાક દરમિયાન અમદાવાદમાં 2.5 મિમી વરસાદ નોંધાયો હતો. જ્યારે 1 જૂનથી અત્યાર સુધીમાં શહેરમાં કુલ 587 મિમી એટલે કે 23.11 ઇંચ મોસમી વરસાદ નોંધાયો છે. આ આંકડો સામાન્ય કરતાં 74.9 મિમી વધુ હોવાનું હવામાન વિભાગે જણાવ્યું છે.
આ તસવીર શેર કરો
5/6
હવામાન વિભાગના જણાવ્યા મુજબ ઉત્તર-પશ્ચિમ બંગાળની ખાડીમાં સર્જાયેલું ડિપ્રેશન ઉત્તર-ઉત્તરપશ્ચિમ દિશામાં આગળ વધી રહ્યું છે. તેની સાથે રાજસ્થાનના મધ્ય ભાગો પર સાયક્લોનિક સર્ક્યુલેશન પણ સક્રિય છે. આ બંને સિસ્ટમ તેમજ મોન્સૂન ટ્રફના પ્રભાવને કારણે ગુજરાતના અનેક વિસ્તારોમાં વાદળછાયું વાતાવરણ રહેશે અને વરસાદી માહોલ જોવા મળી શકે છે.
આ તસવીર શેર કરો
6/6
આજે સાબરકાંઠા, અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ તેમજ કેન્દ્રશાસિત પ્રદેશ દમણ અને દાદરા નગર હવેલીમાં છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી કરવામાં આવી છે. હવામાન વિભાગે લોકોને સ્થાનિક હવામાનની માહિતી પર નજર રાખવા અને વરસાદ દરમિયાન જરૂરી સાવચેતી રાખવાની સલાહ આપી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
5 ફોટોઝ
જ્યોતિષ શાસ્ત્ર / દેવગુરુ બૃહસ્પતિની ચાલથી ખાલી થઇ જશે આ 3 રાશિઓના બેંક એકાઉન્ટ
ટોપ સ્ટોરીઝ
