દુખદ / રાજકોટમાં રક્ષાબંધન પહેલા ત્રણ બહેનોએ ગુમાવ્યો એકનો એક ભાઈ, કારણ અકબંધ

Rajkot Crime News: રાજકોટમાં ફૂડ ડિલિવરીનું કામ કરતા યુવકે દવા પી જીવનનો અંત આણ્યો છે. રક્ષાબંધન પહેલા ત્રણ બહેનોના એકના એક ભાઇના મોતને લઇ પરિવારજનોમાં શોકનો માહોલ છવાયો છે.

રાજકોટમાં રક્ષાબંધન પહેલા ત્રણ બહેનોએ એકના એક ભાઈને ગુમાવ્યો છે. 44 વર્ષીય ચેતન રાવરાણીએ ઝેરી દવા પી જીવન ટૂંકાવ્યું છે. મોરબી રોડ પર દવા પી બેભાન હાલતમાં મળી ચેતન રાવરાણી આવ્યો હતો. હોસ્પિટલ લઇ જતા ડોક્ટરે મૃત જાહેર કર્યો છે.

મળતી માહિતી મુજબ ચેતન રાવરાણી (ઉ.વ.44) રાજકોટમાં ફૂડ ડિલિવરીનું કામ કરતો હતો. તે ત્રણ બહેનોને એકને એક ભાઇ હતો. ચેતન રાવરાણી મોરબી રોડ પર દવા પી બેભાન હાલતમાં મળી આવ્યો હતો.

આ પણ વાંચોઃ રાજકોટ / "મારા ભાઇ બહેનને ભણાવજો, એનું ભણવાનું ન બગાડતાં..." ખાનગી કોલેજની લેબ આસિસ્ટન્ટનો જીવન ટૂંકાવવાનો પ્રયાસ

આત્મહત્યા પાછળનું કારણ સામે નથી આવ્યું જો કે ચેતન રાવરાણી ફૂડ ડિલિવરીનું કામ કરતો હતો. સમગ્ર મામલે ગાંધીગ્રામ પોલીસે તપાસ હાથ ધરી છે. આર્થિક ભીંસથી કંટાળી યુવકે આપઘાત કર્યો હોવાનું મનાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ