હવામાન / ગરબામાં ખેલૈયાઓની મજા બગડશે?, ગરમી સાથે વરસાદની અંબાલાલ પટેલની આગાહી

Gujarat Weather Forecast: આજે (26 સપ્ટેમ્બર 2025) પાંચમુ નોરતું છે અને ખેલૈયાઓમાં ગરબા રમવાનો જબદસ્ત ઉત્સાહ જોવા મળી રહ્યો છે. ત્યારે હવે અંબાલાલ પટેલે ફરી એકવાર મોટી આગાહી કરી છે.

ગરમી સાથે વરસાદની આગાહી

હવામાન નિષ્ણાંત અંબાલાલ પટેલે રાજ્યમાં ગરમી સાથે વરસાદની આગાહી કરી છે. એટલે કે આવતીકાલ (27 સપ્ટેમ્બર 2025) સુધી ગરમી પડશે. અંબાલાલ પટેલના જણાવ્યાનુસાર, ઉત્તર ગુજરાતના ભાગોમાં મહત્તમ તાપમાન 37 ડિગ્રી સુધી જઈ શકે તેમ છે. આ સિવાય મહેસાણા, પાટણ, સમી, હારીજ, હિંમતનગર તથા પંચમહાલના ભાગોમાં ગરમી રહેશે.

ગાજવીજ સાથે વરસાદની સંભાવના

મધ્ય ગુજરાતના ભાગોમાં પણ ગરમી રહેશે અને મહત્તમ તાપમાન 35થી 36 ડિગ્રી જઈ શકે છે. સૌરાષ્ટ્રમાં કેટલાક ભાગોમાં ગરમી રહી શકે છે. જો કે, બંગાળમાં બનતી સીસ્ટમના કારણે 27 સપ્ટેમ્બરથી 3 ઓક્ટોબર ગાજવીજ સાથે વરસાદ થવાની સંભાવના વ્યક્ત કરી હતી.

આ તારીખથી હવામાનમાં પલટો આવશે

અંબાલાલની આગાહી કરતા કહ્યું હતું કે, આહવા ડાંગ વલસાડમાં ભારેથી અતિભારે વરસાદ આવશે. દક્ષિણ ગુજરાતમાં 26 સપ્ટેમ્બરથી હવામાનમાં પલટો આવતા ભરૂચ, સુરતના ભાગોમાં ભારે વરસાદ આવી શકે છે. આ ઉપરાંત સૌરાષ્ટ્રના કેટલાક વિસ્તારોમાં વરસાદની શક્યતા રહેશે.

વધુ વાંચો : 'દરેક દુકાનદારોએ પોતાની દુકાનની બહાર..', પ્રેસ કોન્ફરન્સમાં બોલ્યા CR પાટીલ

આ વિસ્તારમાં વરસાદ પડી શકે

આ સિવાય મધ્ય ગુજરાત, ઉત્તર ગુજરાત તથા પૂર્વ ગુજરાતમાં વરસાદ પડી શકે છે. ઓક્ટોબરમાં નવી સીસ્ટમ બનતા વરસાદ લાવી શકે તેમ અંબાલાલ પટેલે જણાવ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ