જાહેરાત / GTUના વિદ્યાર્થીઓ આ નોટ કરી લેજો, 22મીએ મોકૂફ રાખેલી પરીક્ષાની નવી તારીખ જાહેર

• GTUની 22 મીએ મોકૂફ રાખેલ પરીક્ષાની નવી તારીખ જાહેર
• હોટલ મેનેજમેન્ટની સેમ 1 અને 2ની 30 જાન્યુઆરીએ યોજાશે પરીક્ષા
• 22 મીએ રામ મંદિર પ્રાણ પ્રતિષ્ઠાને કારણે પરીક્ષા રખાઈ હતી મોકૂફ

GTU દ્વારા 22 મીએ તારીખે યોજાનારી પરીક્ષા રામ મંદિર પ્રાણ પ્રતિષ્ઠાને કારણે મોકૂફ રાખવામાં આવી હતી. જે પરીક્ષાઓ હોટલ મેનેજમેન્ટ સેમ-1 અને 2 ની પરીક્ષા 30 જાન્યુઆરીએ યોજાશે. જ્યારે આર્કિટેક્ચર સેમ 2 ની પરીક્ષા 30 જાન્યુઆરીએ યોજાશે. તેમજ એન્જિનિયરિંગ સેમ 1/2 અને 4 ની પરીક્ષા 6 ફેબ્રુઆરીએ યોજાશે. 

અગાઉ વાયબ્રન્ટ સમિટનાં કારણે પરીક્ષાઓ મોકૂફ રાખવામાં આવી હતી
ગુજરાત ખાતે યોજાયેલ વાયબ્રન્ટ સમિટમાં દેશ-વિદેશનાં અનેક બિઝનેસમેન તેમજ વડાપ્રધાન ગુજરાતની મુલાકાતે પધાર્યા હતા. જેથી તા. 9 અને 10 જાન્યુઆરીના રોજ યોજાનારી પરીક્ષા રદ્દ કરવામાં આવી હતી. ત્યારે પરીક્ષાની તડામાર તૈયારીઓ કરતા વિદ્યાર્થીઓની મહેતન પર પાણી ફરી વળ્યું હતું.