પાટણ / સોશિયલ મીડિયા પર પોસ્ટ મૂકવા મામલે બાલીસણામાં મોડી રાત્રે ઘર્ષણ, પાઠ ભણાવવા પોલીસે આરોપીનું કાઢ્યું સરઘસ, જુઓ વીડિયો

• પાટણમાં પોસ્ટ મૂકવા મામલે જૂથ અથડામણ
• બાલીસણામાં મોડી રાત્રે મારામારી
• 8 લોકોને પહોંચી ગંભીર ઈજા 

સોશિયલ મીડિયામાં પોસ્ટ મુકતાં વિવાદ થાય એવા અનેક મામલા અવારનવાર સામે આવતા હોય છે. આ વચ્ચે પાટણના બાલીસણામાં સોશિયલ મીડિયામાં પોસ્ટ મૂકવા મામલે મનદુ:ખ થતાં બે જૂથ વચ્ચે રાત્રે ધીંગાણું થયું હતું. લોખંડની પાઈપ, ધારિયા સહિતનાં હથિયારો તેમજ પથ્થરો વડે સામસામે મારામારી થતાં તંગદિલીભર્યો માહોલ ઊભો થયો હતો. 

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

પાઠ ભણાવવા આરોપીનું કાઢ્યું સરઘસ 
એકબીજા પર ધોકા, લાકડી વડે હુમલો કરતાં 8 લોકોને ઈજા પહોંચી હતી, જેના CCTV પણ સામે આવ્યાં છે. જેમાં સ્પષ્ટ રીતે થયેલી મારામારી જોઈ શકાય છે. જોકે આ જૂથ અથડામણ બાદ બંને જૂથ દ્વારા પોલીસ મથકમાં ફરિયાદ નોંધાવાઈ હતી. તો પોલીસે પણ હિંસા ફેલાવતા તત્વોને પાઠ ભણાવવા માટે તાત્કાલીક ધરપકડ કરી છે અને આજે તમામનું સરઘસ પણ કાઢ્યું હતું. જેથી કરીને આવા તત્વો કાયદો હાથમાં લેતા પહેલા 100 વખત વિચારવા મજબૂર બને. 

પોલીસે રાતોરાત આરોપીઓને ઝડપ્યા 
બે જૂથો વચ્ચે થયેલી અથડામણને લઈ ગામમાં તંગદિલીભર્યો માહોલ સર્જાયો હતો. અનિચ્છનીય બનાવ ન બને એ માટે જિલ્લા પોલીસનો કાફલો ગામમાં ખડકાઈ ગયો હતો. ઘટના મામલે પોલીસે બંને જૂથની ફરિયાદ લઈ આરોપીઓની ધરપકડ કરી છે. આ સાથે જ હિંસા ભડકાવવા મુદ્દે પણ તપાસ હાથ ધરી છે.