સુરેન્દ્રનગર / લીંબડી નજીક ઊટડી ગામે કોળી ઠાકોર સમાજનું મહાસંમેલન આવતીકાલે

સુરેન્દ્રનગર જિલ્લાના લીંબડી તાલુકાના ઊટડી ગામે આવતીકાલે તા. 15 માર્ચે કોળી ઠાકોર સમાજનું ભવ્ય મહાસંમેલન યોજાનાર છે. બપોરે 4 વાગ્યે શરૂ થનારા આ કાર્યક્રમમાં સમાજના અગ્રણીઓ, યુવાનો તેમજ મોટી સંખ્યામાં સમાજજનો ઉપસ્થિત રહેવાની સંભાવના વ્યક્ત કરવામાં આવી રહી છે.

આ મહાસંમેલનનું મુખ્ય વિષય “સમય બદલાયો છે, હવે બદલાશે સમાજ” રાખવામાં આવ્યો છે. કાર્યક્રમનો મુખ્ય ઉદ્દેશ સમાજમાં એકતા, શિક્ષણ અને સર્વાંગી વિકાસ અંગે જાગૃતિ લાવવાનો છે. સમાજના વિકાસ માટે વિવિધ મુદ્દાઓ પર ચર્ચા તથા માર્ગદર્શન આપવામાં આવશે.

કાર્યક્રમમાં મહામંડલેશ્વર ઋષિભારતીજી મહારાજ વિશેષ ઉપસ્થિતિ આપી સમાજજનોને આશીર્વચન તથા માર્ગદર્શન આપશે. તેમની ઉપસ્થિતિને લઇને સમાજમાં વિશેષ ઉત્સાહ જોવા મળી રહ્યો છે. સાંસ્કૃતિક કાર્યક્રમ અંતર્ગત લોક ગાયિકા રિકલબેન મકવાણા દ્વારા સંતવાણીનો કાર્યક્રમ પણ યોજાશે, જે કાર્યક્રમનું મુખ્ય આકર્ષણ બનશે.

આ પણ વાંચોઃ મહેસાણાના રાજપુર ગામમાં શ્વાનનો આતંક, રાહદારી પર હુમલાની ઘટના CCTVમાં કેદ

આ મહાસંમેલનને સફળ બનાવવા યુવા કોળી સમાજ તથા આયોજક મંડળ દ્વારા તડામાર તૈયારીઓ હાથ ધરવામાં આવી રહી છે. આયોજકો દ્વારા સમાજના ભાઈઓ અને બહેનોને મોટી સંખ્યામાં હાજરી આપી કાર્યક્રમને સફળ બનાવવા અપીલ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ