ગુજરાત / મહેસાણાના રાજપુર ગામમાં શ્વાનનો આતંક, રાહદારી પર હુમલાની ઘટના CCTVમાં કેદ

મહેસાણા જિલ્લાના રાજપુર ગામમાં શ્વાનના આતંકની ઘટના સામે આવી છે. ગામમાં એક રાહદારી પર શ્વાને અચાનક હુમલો કરતા હડકંપ મચી ગયો હતો. સમગ્ર ઘટના નજીકમાં લાગેલા CCTV કેમેરામાં કેદ થઈ ગઈ છે.

મળતી માહિતી મુજબ રાહદારી રસ્તા પરથી પસાર થઈ રહ્યો હતો ત્યારે અચાનક એક શ્વાને તેના પર હુમલો કર્યો હતો. શ્વાનના હુમલાથી રાહદારીને ઈજા પહોંચી હતી અને તે જમીન પર પડી ગયો હતો.

ઘટનાની જાણ થતાં આસપાસના લોકો તરત જ ઘટના સ્થળે દોડી આવ્યા હતા અને ઇજાગ્રસ્તને શ્વાનથી બચાવી સારવાર માટે નજીકની હોસ્પિટલમાં ખસેડ્યો હતો. હાલ ઇજાગ્રસ્તની સારવાર ચાલી રહી હોવાનું જાણવા મળ્યું છે.

આ પણ વાંચોઃ રાજ્યમાં બટાકાના ભાવમાં ભારે ઘટાડો થતા ખેડૂતોમાં રોષ, રાહત પેકેજની માંગ

આ ઘટનાને લઈને ગામલોકોમાં ભયનો માહોલ જોવા મળી રહ્યો છે. સ્થાનિકોએ તંત્ર પાસે માંગ કરી છે કે ગામમાં વધતા શ્વાનોના આતંકથી લોકોને રાહત આપવા માટે યોગ્ય કાર્યવાહી કરવામાં આવે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ