કામની વાત / પેમેન્ટ કરવું મોંઘુ પડશે! જાણો હવે કેટલો એક્સ્ટ્રા ચાર્જ આપવો પડશે

ભારતમાં ડિજિટલ લેવડદેવડ તરફ લોકોનો ઝુકાવ ઝડપથી વધી રહ્યો છે. ખાસ કરીને, UPI અને RuPay ડેબિટ કાર્ડના ઉપયોગમાં જબરદસ્ત વધારો જોવા મળી રહ્યો છે. ડિજિટલ ઇન્ડિયાને પ્રોત્સાહન આપવા માટે સરકાર દ્વારા લેવામાં આવેલા પગલાં અને લોકોની વધતી જતી ડિજિટલ જાગૃતિને કારણે, આજે દેશમાં મોટી સંખ્યામાં લોકો કેશલેસ લેવડ દેવડને પ્રાથમિકતા આપી રહ્યા છે.

અત્યાર સુધી, તેમના દ્વારા કરવામાં આવતી લેવડ દેવડ પર કોઈ ફી (MDR) લેવામાં આવતી નથી. MDR એટલે મર્ચન્ટ ડિસ્કાઉન્ટ રેટ. આ તે ચાર્જ છે જે દુકાનદારો ડિજિટલ પેમેન્ટની પ્રક્રિયા કરવા માટે તેમની બેંકોને ચૂકવે છે. હાલમાં, સરકારે આ ફી માફ કરી દીધી છે. પરંતુ હવે સરકાર તેને ફરીથી લાગુ કરવાની યોજના બનાવી રહી છે.

શું મોટા વેપારીઓ પર MDR લાગશે?

મીડિયા રિપોર્ટ અનુસાર, બેંકિંગ ઇન્ડસ્ટ્રી દ્વારા સરકારને એક પ્રસ્તાવ પણ મોકલવામાં આવ્યો છે. આ પ્રસ્તાવમાં એવું કહેવામાં આવ્યું છે કે જે દુકાનદારોનું વાર્ષિક ટર્નઓવર 40 લાખ રૂપિયાથી વધુ છે તેના પર MDR લગાવવામાં આવશે. સરકાર હાલમાં આ પ્રસ્તાવ પર વિચાર કરી રહી છે. સરકાર એક સ્તરીય વ્યવસ્થા પણ લાગુ કરી શકે છે. એટલે કે મોટા વેપારીઓ પાસેથી વધુ ફી વસુલવામાં આવશે, જ્યારે વેપારીઓ પાસેથી ઓછી ફી વસુલવામાં આવશે અથવા બિલકુલ ફી વસુલવામાં આવશે નહીં.

MDR પાછું લાવવું શા માટે જરૂરી છે?

આના પર બેંકો અને પેમેન્ટ કંપનીઓ કહે છે કે જ્યારે મોટા વેપારીઓ પહેલાથી જ વિઝા, માસ્ટરકાર્ડ અને ક્રેડિટ કાર્ડ પર MDR ચૂકવી રહ્યા છે, તો પછી UPI અને RuPay પર કેમ નહીં. બેંકોના મતે, સરકારે 2022 માં તેને નાબૂદ કરી દીધું હતું, તે સમયે તેનો હેતુ ડિજિટલ ચુકવણીને પ્રોત્સાહન આપવાનો હતો.

વધુ વાંચો: અહીંયા કરો રોકાણ, ને બચાવો તમારો ટેક્સ! જો-જો છેલ્લી તક ચૂકી ના જતા

MDR શું છે અને તે શા માટે થાય છે?

MDR એટલે કે મર્ચન્ટ ડિસ્કાઉન્ટ રેટ એ ફી છે જે દુકાનદારો રિયલ ટાઈમમાં પેમેન્ટ સ્વીકારવાની સુવિધાના બદલામાં ચૂકવે છે. જ્યારે ગ્રાહક UPI અથવા ડેબિટ કાર્ડ દ્વારા ચુકવણી કરે છે, ત્યારે બેંકો અને ચુકવણી કંપનીઓએ માળખાકીય સુવિધાઓનો ખર્ચ ઉઠાવવો પડે છે. આ ખર્ચને પહોંચી વળવા માટે આ ફી લેવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ