તમારા કામનું / જો તમે ઈન્કમ ટેક્સ ભરો છો તો આ છે કામના સમાચાર, હવે આ કામ ઓનલાઈન થઈ શકશે

ઇન્કમટેક્સ ડિપાર્ટમેન્ટ તરફથી નાણાકીય વર્ષ 2023-24 (AY:2024-25) માટે ઓનલાઈન ITR ફોર્મ્સ બહાર પાડવામાં આવ્યા છે. જાણકારી મુજબ 1 એપ્રિલ 2024થી ઈ-ફાઇલિંગ પોર્ટલ પર ITR-1, ITR-2 , ITR-3 અને ITR-4ના ફોર્મ ઉપલબ્ધ થઇ ગયા છે.  ITR ફોર્મના આવવાથી, તમે છેલ્લા નાણાકીય વર્ષ માટે સરળતાથી રિટર્ન ફાઇલ કરી શકો છો.

આ પહેલા પણ ઇન્કમટેક્સ ડિપાર્ટમેન્ટની તરફથી ITR-1, ITR-2 અને ITR-4ના માટે ઓફલાઈન એક્સેલ યુટિલિટીઝ બહાર પાડવામાં આવી હતી. આ સાથે નાણાકીય વર્ષ 2023-24 માટે ITR-1, ITR-2, ITR-4 અને ITR-6 માટેની JSON યુટિલિટીઝ પણ બહાર પાડવામાં આવી છે. 

ઓનલાઈન અને ઓફલાઈન બંને રીતે ઇન્કમ ટેક્સ ભરી શકશો

ઈ-ફાઇલિંગ પોર્ટલનો ઉપયોગ કરીને તમે ઓનલાઈન ITR ફાઈલ કરી શકો છો. આ સિવાય પણ JSON અને એક્સેલના યુટિલિટીઝનો ઉપયોગ કરીને ઓફલાઈન ITR જમા કરી શકો છો. ITR ફાઈલ કરવાની છેલ્લી તારીખ 31 જુલાઈ છે. 
ITR-1:  પગાર, મકાન, વ્યાજ, ડિવિડન્ડ, પેન્શન અને કૃષિ આવક (રૂ. 50,000 સુધી) સહિત નાણાકીય વર્ષમાં 50 લાખ રૂપિયા સુધીની આવક ધરાવતા લોકોએ ફોર્મ ITR-1 દ્વારા તેમનું આવકવેરા રિટર્ન ફાઇલ કરવું પડશે.

ITR-2: કરદાતાઓ જેવા કે એક કરતાં વધુ મકાનોમાંથી આવક ધરાવતા હોય અને મૂડી લાભ પણ થઇ રહ્યો હોય. તેમને ITR-2 ફોર્મ ભરવાનું રહેશે.

વધુ વાંચો: રાહુલ ગાંધી વાયનાડથી ભરશે ઉમેદવારી ફોર્મ, પ્રિયંકા ગાંધી સાથે કર્યો રોડ શો

ITR-4: આ ફોર્મનો ઉપયોગ ઉદ્યોગપતિઓ અને વ્યાવસાયિકો દ્વારા કરવામાં આવે છે જેમને ઇન્કમ ટેક્સની ધારા 44AD, 44ADA અને 44AE લાગુ પડે છે.

ઇન્ટેકમ ટેક્સ ડિપાર્ટમેન્ટ તરફથી આ વખતે સમય પહેલા ઓનલાઈન અને ઓફલાઈન ફોર્મ બહાર પાડવામાં આવ્યા છે. આનાથી ITR ફાઈલ કરતા લોકોને વધારે સુવિધા મળશે સાથે સમય પહેલા ITR જમા કરી શકશે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો