બિઝનેસ / ઈરાન-ઈઝરાયલની અસર થશે સોના ચાંદી પર!, આસમાને પહોંચી જશે ભાવ

ઈરાન અને ઇઝરાયલ વચ્ચે યુદ્ધ જેવી સ્થિતિ ઉભી થઈ ગઈ છે. અમેરિકા અને ઇઝરાયલે મળીને ઈરાન પર હુમલો કર્યો છે. તેના જવાબમાં ઈરાને મધ્ય પૂર્વમાં આવેલા અમેરિકાના સૈનિક ઠેકાણાઓ પર હુમલા કર્યા છે.

આ તણાવને કારણે દુનિયાભરના શેરબજારમાં હલચલ મચી ગઈ છે. લોકો અને રોકાણકારો ડરી ગયા છે. આવી અનિશ્ચિત પરિસ્થિતિમાં તેઓ સુરક્ષિત રોકાણ તરફ વળી રહ્યા છે. એટલે કે લોકો હવે સોનું અને ચાંદી ખરીદવા વધુ રસ બતાવી રહ્યા છે કારણ કે તેને સલામત માનવામાં આવે છે. આ કારણથી સોનું-ચાંદીના ભાવ વધવાની શક્યતા વધી ગઈ છે.

એક્સપર્ટ્સ શું કહી રહ્યા છે?

એક્સપર્ટ્સનું કહેવું છે કે દુનિયામાં અનિશ્ચિતતા અને રાજકીય તણાવ વધતા લોકો સુરક્ષિત રોકાણ તરફ વળી શકે છે. એટલે કે તેઓ સોનું અને ચાંદી ખરીદવા વધુ પસંદ કરશે. આ કારણે સોના-ચાંદીના ભાવમાં 10થી 15 ટકા સુધી વધારો થઈ શકે છે. અમેરિકા અને ઈરાન વચ્ચેનો તણાવ વધે તો શેરબજારમાં ડર ફેલાઈ શકે છે. આવી સ્થિતિમાં લોકો સોનું અને ચાંદી ને સલામત રોકાણ માને છે.

એક્સપર્ટ્સ કહે છે કે કિંમતી ધાતુઓના ભાવ અચાનક ઊંચા સ્તરે ખૂલવા (ગેપ-અપ ઓપનિંગ) મળી શકે છે. હાલમાં COMEX પર સોનાને 5300 ડોલર પ્રતિ ઔંસ આસપાસ અવરોધ મળી રહ્યો છે. જો આ સ્તર તૂટે તો ભારતમાં સોનાનો ભાવ લગભગ 1,68,000 થી 1,70,000 રૂપિયા પ્રતિ 10 ગ્રામ સુધી પહોંચી શકે છે.

સોનું-ચાંદી સલામત કેમ માનવામાં આવે છે?

શનિવારે તેહરાનમાં ઇઝરાયલના હુમલાથી દુનિયા ચોંકી ગઈ. લોકો એ મોટો ધડાકો સાંભળ્યાનું કહ્યું. જ્યારે યુદ્ધ અથવા રાજકીય તણાવ વધે છે ત્યારે પરિસ્થિતિ અસ્થિર બની જાય છે. આવી સ્થિતિમાં લોકો શેરબજાર કે કરન્સીમાં પૈસા મૂકવાના બદલે સોનું અને ચાંદી ખરીદે છે કારણ કે તેને સલામત રોકાણ માનવામાં આવે છે.

યુદ્ધના સમયમાં કરન્સી કમજોર થવાની ભીતિ રહે છે. કંપનીઓને નુકસાન થાય તો શેરબજાર નીચે જઈ શકે છે. પરંતુ સોનાની કિંમત ક્યારેય શૂન્ય થતી નથી. હજારો વર્ષથી સોનું સંકટના સમયમાં વિશ્વસનીય માનવામાં આવે છે. તેથી અનિશ્ચિત સમય દરમિયાન લોકો શેરબજારમાંથી પૈસા કાઢીને સોના-ચાંદીમાં રોકાણ કરે છે.

આ પણ વાંચોઃ આ સરકારી કંપનીએ મોટા રોકાણનું કર્યું એલાન, શેર તૂટીને 145 રૂપિયાએ આવવાનું અનુમાન

MCX પર સોનું-ચાંદીનો હાલનો ટ્રેન્ડ

ટેકનિકલ રીતે જોવામાં આવે તો MCX પર સોનાનો ભાવ 1,60,000 રૂપિયા ઉપર મજબૂતીથી ટક્યો છે. હાલમાં તે આશરે 1,62,000 રૂપિયા આસપાસ છે. નિષ્ણાતોનું માનવું છે કે જો ભાવ 1,60,000 રૂપિયા ઉપર જ રહેશે તો તે જલ્દી 1,63,500 થી 1,65,000 રૂપિયા સુધી જઈ શકે છે.

MCX પર ચાંદીના ભાવમાં પણ વધારો જોવા મળી રહ્યો છે. તે 2,80,000 થી 2,85,000 રૂપિયાની વચ્ચે પહોંચ્યો છે. જો આ જ રીતે વધારો ચાલુ રહેશે તો ચાંદીનો ભાવ 2,90,000 થી 2,95,000 રૂપિયા સુધી પહોંચી શકે છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ