ક્રિકેટ / ગૌતમ ગંભીરના આ મોટા એલાનથી ક્રિકેટ જગતમાં સર્જાયો ઉહાપોહ, મોટા ક્રિકેટરો વિચારતા રહી ગયાં

ફેબ્રુઆરી 2026માં ભારતમાં ટી 20 વર્લ્ડ કપ રમાવાનો છે. હાલમાં સૂર્યકુમાર યાદવ ટી 20 ટીમનો કેપ્ટન છે. ટી 20 વર્લ્ડ કપ ટીમને લઈને ગૌતમ ગંભીરે એક મોટું એલાન કરી નાખ્યું છે. ભારતીય ક્રિકેટ ટીમના મુખ્ય કોચ ગૌતમ ગંભીરે સ્વીકાર્યું કે તેમની ટીમ આગામી વર્ષે યોજાનાર T20 વર્લ્ડ કપની તૈયારી માટે ફિટ નથી. તેમણે કહ્યું કે ટીમ પાસે હજુ પણ તે તબક્કે પહોંચવા માટે પૂરતો સમય છે.

શું બોલ્યાં ગૌતમ ગંભીર

BCCI ટીવી સાથેની મુલાકાતમાં ફિટનેસ પર ભાર મૂકતાં ગંભીરે કહ્યું કે આ એક ડ્રેસિંગ રૂમ છે જ્યાં ઘણી પારદર્શિતા અને પ્રામાણિકતા છે અને અમે ઇચ્છીએ છીએ કે આ ડ્રેસિંગ રૂમ ભવિષ્યમાં પણ આવો જ રહે. મને લાગે છે કે અમે હજુ પણ T20 વર્લ્ડ કપ માટે તે તબક્કે નથી જ્યાં અમે રહેવા માંગીએ છીએ," તેમણે 46 સેકન્ડની ક્લિપમાં કહ્યું. આશા છે કે ખેલાડીઓ ફિટ રહેવાનું મહત્વ સમજશે. આપણે જે સ્તર પર પહોંચવા માંગીએ છીએ તે સુધી પહોંચવા માટે આપણી પાસે હજુ ત્રણ મહિના છે.

ક્યારે યોજાવાનો છે ટી 20 વર્લ્ડ કપ

આવતા વર્ષે ફેબ્રુઆરી-માર્ચમાં ભારત અને શ્રીલંકામાં T20 વર્લ્ડ કપ રમાશે. ભારત આ ટૂર્નામેન્ટનો ડિફેન્ડિંગ ચેમ્પિયન છે.

વધુ વાંચો : 'હરિયાણામાં 25 લાખ વોટોની ચોરી', મત ચોરીને લઈને રાહુલ ગાંધીએ ફોડ્યો 'હાઈડ્રોજન બોમ્બ'

ક્રિેકેટ જગતમાં હેરાની

ગૌતમ ગંભીરના આ એલાનથી ક્રિકેટ જગત પર અસર પડી છે. મોટા ખેલાડીઓને પણ આ નિવેદન પર નવાઈ પ્રગટ કરી હતી. કારણ કે ભારતીય ટી 20 ટીમ હાલમાં બીજી ટીમો કરતાં મજબૂત સ્થિતિમાં છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ