પ્રેસ કોન્ફરન્સ લાઈવ / 'હરિયાણામાં 25 લાખ વોટોની ચોરી', મત ચોરીને લઈને રાહુલ ગાંધીએ ફોડ્યો 'હાઈડ્રોજન બોમ્બ'

બિહાર ચૂંટણીના એક દિવસ પહેલાં લોકસભામાં વિપક્ષી નેતા રાહુલ ગાંધીએ 'રાજકીય હાઈડ્રોજ બોમ્બ' ફોડીને સનસનાટી મચાવી દીધી છે. નવી દિલ્હીના ઈન્દિરા ગાંધી ભવનમાં આયોજિત પ્રેસ કોન્ફરન્સમાં કથિત વોટ ચોરી મામલે મોટા ખુલાસા કર્યાં હતા. રાહુલ ગાંધીના દાવા હરિયાણા ચૂંટણી પર હતા.

વોટર લિસ્ટમાં બ્રાઝિલની મોડલનું નામ કેવી રીતે આવ્યું?

રાહુલ ગાંધીએ પ્રેસ કોન્ફરન્સની શરુઆતમાં કહ્યું કે હરિયાણા-કર્ણાટકમાં વોટ ચોરી થઈ છે. આ સંબંધિત ઘણી ફરીયાદો મળી છે. ઉદાહરણ આપતાં, રાહુલ ગાંધીએ સમજાવ્યું કે હરિયાણામાં એક બ્રાઝિલિયન મોડેલે મતદાન કર્યું હતું અને 10 અલગ અલગ બૂથ પર કુલ 22 વખત મતદાન કર્યું હતું. મતદાર યાદીમાં તેમનું નામ અલગ અલગ નામોથી નોંધાયેલું હતું, જેમ કે સીમા, સરસ્વતી, સ્વીટી, વિમલા, વગેરે. તેમની ઉંમર અને અન્ય વિગતોમાં પણ વિસંગતતાઓ હતી.

રાહુલ ગાંધીએ એક યાદી પણ જાહેર કરી

ડુપ્લિકેટ મતદારો: 521,619

ખોટા સરનામાં: 93,174

બલ્ક મતદારો: 1,926,351

પોસ્ટલ વોટ અને વાસ્તવિક વોટ વચ્ચે ફર્ક

રાહુલ ગાંધીએ કહ્યું કે હરિયાણાના મુખ્યમંત્રી નાયબ સૈનીએ સ્પષ્ટ કર્યું હતું કે તેઓ સરકાર બનાવવા જઈ રહ્યા છે અને તેમની પાસે બધી જરૂરી વ્યવસ્થા છે. તેમણે કહ્યું કે હરિયાણામાં એક્ઝિટ પોલ કોંગ્રેસ પાર્ટીને સ્પષ્ટ બહુમતી દર્શાવે છે, અને બધા જ પોલ એ જ દર્શાવે છે. જોકે, પહેલી વાર પોસ્ટલ વોટ અને વાસ્તવિક વોટ વચ્ચે નોંધપાત્ર તફાવત જોવા મળ્યો.

8 માંથી 1 મતદાર નકલી

રાહુલે કહ્યું કે હરિયાણામાં કોઈ ચૂંટણી થઈ નથી, ફક્ત મત ચોરી થઈ છે. અમારી પાસે સ્પષ્ટ પુરાવા છે કે (હરિયાણામાં) 2.5 મિલિયન મતદારો નકલી છે; તેઓ કાં તો અસ્તિત્વમાં નથી, ડુપ્લિકેટ છે, અથવા મતદાન કરવા માટે રેન્ડમ લોકો દ્વારા બનાવવામાં આવ્યા છે... હરિયાણામાં 8 માંથી 1 મતદાર નકલી છે.

પોસ્ટલ બેલેટથી કોંગ્રેસને 76 બેઠકો, ભાજપને 17 બેઠકો

રાહુલ ગાંધીએ કહ્યું કે આ કોઈ એક વિધાનસભા મતવિસ્તાર વિશે નથી. રાજ્યોમાં મત ચોરી થઈ રહી છે. હરિયાણાના ચૂંટણી ઇતિહાસમાં પહેલીવાર, પોસ્ટલ બેલેટ અને વાસ્તવિક મતોનું પરિણામ અલગ હતું. પોસ્ટલ બેલેટથી કોંગ્રેસને 76 બેઠકો મળી, જ્યારે ભાજપને ફક્ત 17 બેઠકો મળી. વાસ્તવિક મત બંનેની દિશા એક જ હતી.

હરિયાણા 2024ની ચૂંટણીમાં કોને કેટલી બેઠકો?

રાહુલ ગાંધીએ દાવો કર્યો હતો કે હરિયાણામાં પાંચ અલગ અલગ રીતે 2,541,144 નકલી મતોનો ઉપયોગ કરવામાં આવ્યો હતો. ઓક્ટોબર 2024 ની હરિયાણા વિધાનસભા ચૂંટણીમાં, ભાજપે જંગી જીત મેળવી, કુલ 90 બેઠકોમાંથી 48 બેઠકો મેળવી. કોંગ્રેસે 37 બેઠકો જીતી.

ગુરુવારે બિહારમાં પહેલા તબક્કાનું વોટિંગ

ઉલ્લેખનીય છે કે રાહુલ ગાંધીની આ પ્રેસ કોન્ફરન્સે એવે સમયે આવી છે કે જ્યારે ગુરુવારે 5 નવેમ્બરે બિહારમાં પહેલા તબક્કાનું વોટિંગ થવાનું છે.

વધુ વાંચો : મહેસાણામાં પ્રેમીએ પરણેલી પ્રેમિકા પર નજર રાખવા ઝાડીઓમાં લગાડ્યાં કેમેરા, ઝડપાયું હેરાનીભર્યું

કોંગ્રેસે પોસ્ટ કર્યું હાઇડ્રોજન બોમ્બ લોડિંગ

કોંગ્રેસ પાર્ટીએ સોશિયલ મીડિયા પ્લેટફોર્મ X પર રાહુલ ગાંધીની પ્રેસ કોન્ફરન્સનો વીડિયો પોસ્ટ કર્યો. રાહુલ ગાંધીનો વીડિયો પોસ્ટ કરીને કોંગ્રેસે લખ્યું, "હાઇડ્રોજન બોમ્બ આવી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ