ક્રિકેટ / ભારતનાં દિગ્ગજ પૂર્વ ક્રિકેટરે રોહિતને આપ્યું ચેલેન્જ : ઓસ્ટ્રેલિયાને હરાવો નહીંતર વર્લ્ડ કપ ભૂલી જાઓ

• ઓસ્ટ્રેલિયાને હરાવો નહીંતર વર્લ્ડ કપ ભૂલી જાઓ - ગૌતમ ગંભીર 
• ગૌતમ ગંભીરે આપ્યું રોહિત શર્માને ચેલેન્જ 
• ઓસ્ટ્રેલિયાને હરાવવાથી વધશે આત્મવિશ્વાસ 

ભારતીય ક્રિકેટ ટીમ હવે પોતાની મેજબાનીમાં ઓસ્ટ્રેલિયા સામે ટી20 સીરિઝ રમશે. ત્રણ મેચોની આ સીરિઝનો પહેલો મુકાબલો મોહાલીમાં 20 સપ્ટેમ્બરનાં રોજ થશે. અનુભવી ઓપનર રોહિત શર્માની આગેવાનીમાં આ સીરિઝને જીતીને આગામી ટી20 વર્લ્ડ કપ માટે ભારત પોતાની તૈયારી કરવા માંગશે. આ વચ્ચે પૂર્વ ભારતીય ઓપનર ગૌતમ ગંભીરે કપ્તાન રોહિતને ચેલેન્જ આપ્યું છે. 

ઓસ્ટ્રેલિયાને હરાવવું જરુરી 
પોતાના કડક વલણને કારણે જાણીતા ગૌતમ ગંભીરે ટીમ ઇન્ડિયાનાં કેપ્ટન રોહિત શર્માને ચેલેન્જ આપ્યું છે. તેમણે કહ્યું છે કે ટીમ ઇન્ડિયા જો ઓસ્ટ્રેલિયાને આગામી ટી20 સીરીઝમાં નથી હરાવી શકતી, તો વર્લ્ડ કપ જીતવું મુશ્કેલ પડશે. ગંભીરે આગળ કહ્યું કે મેં પહેલા પણ કહ્યું છે અને આ હું ફરી કહી રહ્યો છું. ભારત જો ઓસ્ટ્રેલિયાને આગામી સીરીઝમાં નથી હરાવતું તો ટી20 વર્લ્ડ કપ નહીં જીતી શકે. 

ઓસ્ટ્રેલિયાને હરાવવાથી વધશે આત્મવિશ્વાસ 
ક્રિકેટરથી રાજનેતા બનેલા ગંભીરને લાગે છે કે ઓસ્ટ્રેલિયાને હરાવવાથી ટીમનો આત્મવિશ્વાસ વધશે. ગંભીરે કહ્યું કે મારો અર્થ છે કે 2007નાં ટી20 વર્લ્ડ કપના જુઓ, આપણે તેમને સેમીફાઇનલમાં હરાવ્યા હતા. 2011નાં વન ડે કપનાં ક્વાર્ટર ફાઇનલમાં હરાવ્યા હતા. ઓસ્ટ્રેલિયા સૌથી વધારે પ્રતિસ્પર્ઘી ટીમોમાંથી એક છે અને જો તમે કોઇ પ્રતિયોગિતા જીતવા માંગો છો, તો તમારે તેમને હરાવવા પડશે. 

15 વર્ષથી ટી20 વર્લ્ડ કપ ટ્રોફીની રાહ 
ભારતીય ક્રિકેટ ટીમ અને તેનાં ફેન્સ ગયા 15 વર્શથી ટી20 વર્લ્ડ કપ ટ્રોફીની રાહ જોઇ રહ્યા છે. ભારતે વર્ષ 2007માં દિગ્ગજ મહેન્દ્ર સિંહ ધોનીની કેપ્ટન્સીમાં પહેલી વાર ટી20 વર્લ્ડ કપ જીત્યો હતો. ખાસ વાત છે કે ગૌતમ ગંભીર 2007ની ટી20 વિશ્વ વિજેતા ટીમનો હિસ્સો હતા. તેમણે મુકાબલામાં ઓપનર તરીકે 75 રન બનાવ્યા હતા. ભારતે ફાઇનલમાં પાકિસ્તાનને માત આપી હતી.