ધર્મ / ગરુડ પુરાણ અનુસાર મૃત્યુ બાદ નર્કમાં નથી જતાં આવા લોકો, જાણી લો તમારામાં એવા ગુણ છે કે નહીં

• ગરુડ પુરાણને 18 મહાપુરાણમાંથી એક ગણવામાં આવે છે
• મૃત્યુ પછી સ્વર્ગ અને નરકની યાત્રાઓ વિશે જણાવવામાં આવ્યું છે
• આ કામ કરવાથી સ્વર્ગની પ્રાપ્તિ થાય છે

હિંદુ ધર્મમાં અનેક ગ્રંથ પુરાણ છે અને તેની સાથે અનેક કથાઓ પણ જોડાયેલ છે, ગરુડ પુરાણને 18 મહાપુરાણમાંથી એક ગણવામાં આવે છે. આ એક એવું પુરાણ છે, જેમાં મૃત્યુ અને મૃત્યુ પછીની ઘટનાઓ વિશે જણાવવામાં આવ્યું છે. ગરુડ પુરાણમાં ભગવાન વિષ્ણુ દ્વારા મૃત્યુ પછી સ્વર્ગ અને નરકની યાત્રાઓ વિશે જણાવવામાં આવ્યું છે. ગરુડ પુરાણમાં જણાવેલ બાબતોનું અનુસરણ કરવાથી વ્યક્તિનું જીવન સુખમયી રીતે પસાર થાય છે અને સફળ થાય છે. ગરુડ પુરાણમાં કેટલાક એવા કામ વિશે પણ જણાવવામાં આવ્યું છે, જે કરવાથી સ્વર્ગની પ્રાપ્તિ થાય છે. જે અંગે અહીંયા જાણકારી આપવામાં આવી છે. 

આ કામ કરવાથી નરકની પ્રાપ્તિ થતી નથી

• જે લોકો ગરીબ, અસહાય અને અન્ય લોકોના હિત વિશે વિચારે છે, તળાવ અને સરોવર બનાવવાનું પુણ્યશાળી કામ કરે છે, તેમને નરકની પ્રાપ્તિ થતી નથી. 
• જે લોકો ખોટુ બોલતા નથી અને ખોટા કામ કરતા નથી અથવા ખોટી રીતે બિઝનેસ કરતા નથી તેઓ નરકમાં જતા નથી. 
• ધર્મને માનતા, નિયમિતરૂપે પૂજા અર્ચના કરતા લોકો, વેદ પુરાણ વાંચનાર, બ્રાહ્મણનો આદર કરનાર, નીતિ અને નિયમોમાં માનનાર લોકોને મૃત્યુ પછી સ્વર્ગની પ્રાપ્તિ થાય છે. 
• માંસાહારી ભોજન અને નશીલા પદાર્થનું ત્યાગ કરનાર, અતિથિનો સત્કાર કરનાર, પશુ-પક્ષીની સેવા કરનારા લોકોથી ભગવાન પ્રસન્ન થાય છે અને ક્યારેય પણ નરકમાં જવું પડતું નથી. 
• પિતૃનું તર્પણ અને પિંડદાન કરવાથી, અગિયારસ કરવાથી નરકમાં જવું પડતું નથી.
• ધન અને સંપત્તિનો ઘમંડ ના હોય, દાન પુણ્ય કરતા હોય તેમણે નરકનો દરવાજો જોવો પડતો નથી.