ગપશપ / દિપીકાથી લઈને કરીના-સોનમ સુધી, કરવાચોથ નથી ઉજવતી આ અભિનેત્રીઓ, પતિ માટે નથી રાખતી વ્રત

• પરિણીત મહિલા માટે કરવા ચોથનો દિવસ ખાસ રહે છે
• બોલિવૂડ અભિનેત્રીઓમાં પણ આ તહેવારને લઈને ઘણો ઉત્સાહ હોય
• પરંતુ કેટલીક અભિનેત્રીઓ એવી છે જે આ વ્રતમાં વિશ્વાસ નથી કરતી

લગભગ દરેક પરિણીત મહિલા માટે કરવા ચોથનો દિવસ ખાસ રહે છે. આ દિવસે દરેક સ્ત્રી પોતાના પતિના લાંબા આયુષ્ય માટે વ્રત રાખે છે. આ વર્ષે કરવા ચોથ 1 નવેમ્બરના રોજ દેશભરમાં ઉજવવામાં આવશે. બોલિવૂડ અભિનેત્રીઓમાં પણ આ તહેવારને લઈને ઘણો ઉત્સાહ હોય છે અને ઘણી અભિનેત્રીઓ આ તહેવાર ખૂબ જ ધામધૂમથી ઉજવે છે, પરંતુ કેટલીક અભિનેત્રીઓ એવી છે જે તેમાં વિશ્વાસ નથી કરતી. 

જેમાં પહેલું નામ આવે છે પીઢ બોલિવૂડ અભિનેત્રી રત્ના પાઠકનું. તેઓ માને છે કે વિધવા થવાના ડરથી પતિના લાંબા આયુષ્ય માટે વ્રત રાખવાની જરૂર નથી. અભિનેત્રી રત્ના પાઠક શાહે પણ કરવા ચોથ પર વિવાદાસ્પદ નિવેદન આપીને ટીકાનો સામનો કરવો પડ્યો હતો. 

બોલિવૂડની બેબો કરીના કપૂર ખાનને પણ આ વાત ઝડપથી સમજવામાં મુશ્કેલી પડે છે. કરવા ચોથના વ્રત રાખવા પર તેને કહ્યું કે પ્રેમ વ્યક્ત કરવા માટે ઉપવાસ રાખવાની જરૂર નથી અને તે દરેક તહેવારને ધામધૂમથી ઉજવવાનું સમર્થન કરે છે.

અ લીસ્ટમાં સોનમ કપૂર પણ છે જે તેના પતિ આનંદ આહુજા માટે કરવા ચોથનું વ્રત નથી રાખતી.

ટ્વિંકલ ખન્ના અને અક્ષય કુમારના લગ્નને 22 વર્ષ થયા છે, પરંતુ તેણે ક્યારેય તેના પતિ માટે કરવા ચોથનો ઉપવાસ કર્યો નથી. ટ્વિંકલ માને છે કે એક વ્યક્તિના ઉપવાસથી બીજાની ઉંમર વધી શકતી નથી.

દીપિકા પાદુકોણ પણ તેના પતિ રણવીર સિંહ માટે કરવા ચોથનું વ્રત નથી રાખતી. દીપિકાનું માનવું છે કે પરસ્પર પ્રેમ જાળવી રાખવા માટે વ્રત રાખવા કરતાં એકબીજાને સાથ આપવો વધુ જરૂરી છે.

બોલિવૂડ અભિનેત્રી હેમા માલિની પણ આ વિશે આવું જ કંઇક વિચારે છે. તે માને છે કે પ્રેમ હૃદયમાં હોય છે તેથી જ લગ્નના આટલા વર્ષો પછી પણ તે તેના પતિ ધર્મેન્દ્ર માટે કરવા ચોથનું વ્રત નથી રાખતી.