નિવેદન / '..અડધા તો ભાજપમાં આવી ગયા', અલ્પેશ ઠાકોરનું નિવેદન ફરી ચર્ચામાં, સમાજના નેતાઓને શાબ્દિક ટાંકણી મારી

• ખેરાલુમાં ગુજરાત ક્ષત્રિય ઠાકોર સમાજના સ્નેહમિલન કાર્યક્રમ 
• હું પાર્ટીની શિસ્તમાં રહી સમાજ માટે લડી રહ્યો છું: અલ્પેશ ઠાકોર
• 'દરરોજ કોઈ ને કોઈ ભાજપમાં જોડાય છે ત્યારે કોઈ બોલતો નથી'

મહેસાણાના ખેરાલુ ખાતે ગુજરાત ક્ષત્રિય ઠાકોર સમાજના સ્નેહમિલન કાર્યક્રમ યોજાયો હતો. જેમાં ધારાસભ્ય અલ્પેશ ઠાકોરે પણ ઉપસ્થિત રહ્યાં હતા. તેમણે આ દરમિયાન પોતાના જ સમાજના નેતાઓને નામ લીધા વિના તેમના પર આકાર શાબ્દિક પ્રહારો કર્યા હતા. અલ્પેશ ઠાકોરે પોતાની સમાજના નેતાઓને કહ્યું હતું કે, હું જ્યારે ભાજપમાં આવ્યો ત્યારે આપણા લોકોએ બહુ કાગારોળ કરી હતી પરંતુ હમણા તો દરરજો આવે છે ત્યાં બોલતાય નથી.

'તમારા પોતાના તો ઠેકાણા છે નહીં'
ધારાસભ્ય અલ્પેશ ઠાકોરે કહ્યું હતું કે, હું ભારતીય જનતા પાર્ટીમાં જોડાયો તો આપણા સમાજના કેટલાક લોકોએ બહુ કાગારોળ કરી હતી. હમણાં તો દરરોજ કોઈ ને કોઈ ભાજપમાં જોડાય છે ત્યારે કોઈ પણ બોલતો નથી અને જે બોલતા હતા તેમાંથી અડધા તો ભાજપમાં આવી ગયા છે. તેમણે કહ્યું કે, એક બાજુ રણ અને રણના એવા કીડામકોડા થઈને એ લોકો ફરે છે, હમણાં ગોઝારિયામાં આપણા સમાજના આગેવાનો એવું કહેતા હતા કે આપણા સમાજના ભાજપના ધારાસભ્ય રહ્યા ને એતો બોલી નથી શકતા અને બોલવા માટે ચિઠ્ઠી આપવી પડે છે, પણ મારે એમણે એટલું જ કહેવું છે કે, પહેલા તમારા પગ ઢીલા થઈ ગયા એ ભેગા કરો. તમારા પોતાના તો ઠેકાણા છે નહીં 

વાંચવા જેવું: ભાજપમાં ભરતી મેળો: કોંગ્રેસના મોટાગજાના નેતાએ 2500 કાર્યકરો સાથે કર્યો કેસરિયો, કહ્યું રામના વિરોધી હોય ત્યાં નથી રહેવું

'...સમાજ માટે લડી રહ્યો છું'
અલ્પેશ ઠાકોરે કહ્યું કે, હું પાર્ટીની શિસ્તમાં રહી સમાજ માટે લડી રહ્યો છું.  વધુમાં કહ્યું કે, ચોમાસુ આવે એટલે દેડકા બહાર આવશે પણ તમે ચિંતા ના કરો તમારા મનમાં જે છે એ મને ખબર જ છે, હું સમાજ માટે સરકાર પાસે 100 વિઘા જમીન માગવાનો છું. સમાજ સમજુ અને શિક્ષિત બને એમાજ સમાજની પ્રગતિ છે, એપ્રિલ માસમાં ચાર ખૂણા માટે ચાર રથ બનાવવા જઈ રહ્યો છું.