મોટા સમાચાર / દિલ્હીમાં ચાર માળની ઇમારત ધરાશાયી થતા 4ના મોત, 10નો બચાવ, હજુ કેટલાક લોકો કાટમાળ નીચે

ઉત્તર પૂર્વ દિલ્હીના દયાલપુર વિસ્તારમાં શુક્રવારે મોડી રાત્રે એક મોટી દુર્ઘટના ઘટી. રાત્રે લગભગ 3 વાગ્યે, અહીંના શક્તિ વિહાર વિસ્તારમાં આવેલી ચાર માળની ઇમારત ધરાશાયી થઈ ગઈ. ઇમારત ધરાશાયી થતાં લગભગ બે ડઝન લોકો કાટમાળ નીચે દટાયા હતા. હાલમાં 10 લોકોને બહાર કાઢવામાં આવ્યા છે અને 15 લોકો કાટમાળ નીચે ફસાયા હોવાની આશંકા છે. NDRF, ડોગ સ્ક્વોડ, દિલ્હી પોલીસ અને ફાયર વિભાગની ટીમો રાહત અને બચાવ કાર્યમાં રોકાયેલી છે. સ્થાનિક લોકો બચાવ કામગીરીમાં મદદ કરી રહ્યા છે.

માહિતી મળતા જ NDRF અને દિલ્હી પોલીસની ટીમો ઘટનાસ્થળે પહોંચી ગઈ હતી અને બચાવ કામગીરી શરૂ કરવામાં આવી હતી. રાહત કાર્ય ઝડપથી ચાલી રહ્યું છે, જોકે ઘણા લોકો કાટમાળ નીચે ફસાયેલા હોવાની આશંકા છે. સ્થાનિક લોકોની મદદથી ફસાયેલા લોકોને બચાવવાના પ્રયાસો પણ કરવામાં આવી રહ્યા છે.

આ પણ વાંચોઃ દિલ્હીમાં વાવાઝોડા સાથે વરસાદનું એલર્ટ, તો પ્રચંડ ગરમીથી તપતું રાજસ્થાન, જાણો હવામાન વિભાગની આગાહી

હાલમાં ઘટનાસ્થળે ભારે પોલીસ દળ અને એમ્બ્યુલન્સ તૈનાત છે. વધુ નુકસાન ટાળવા માટે રાહત અને બચાવ ટીમો દ્વારા આસપાસની ઇમારતોને પણ ખાલી કરાવવામાં આવી રહી છે. દુર્ઘટનાનું સાચું કારણ હજુ સુધી જાણી શકાયું નથી, પરંતુ એવી શંકા છે કે ઇમારતની હાલત પહેલાથી જ જર્જરિત હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ