ખેડૂતોમાં રોષ / ગુજરાતના આ જિલ્લાના ખેડૂતોને પડશે મોટો માર, નહીં કરી શકે ઉનાળુ ખેતી, જાણો કારણ

સુરેન્દ્રનગર જીલ્લામાં 15 માર્ચ બાદ કેનાલોમાં નર્મદાનું પાણી બંધ કરાશે. કેનાલોમાં સિંચાઈનું પાણી બંધ કરાતા ખેડૂતો ઉનાળું ખેતી કરી શકશે નહી. કેનાલોમાંથી પાણી ખેંચવાના મશીન અને બકનળીઓ હટાવી લેવા સૂચના આપવામાં આવી છે. નર્મદા વિભાગનાં નિર્ણયથી સુરેન્દ્રનગર જીલ્લાનાં ખેડૂતોમાં રોષ જોવા મળી રહ્યો છે.

 કેનાલમાં સિંચાઈ માટે પાણી છોડવા ખેડૂતોની માગ
ઉનાળો શરૂ થતાની સાથે જ કેનાલમાં પાણી બંધ કરવાથી ઉનાળુ તલ, લીલાા ઘાસચારાની ખેતી કરી શકે નહી. ઉનાળુ વાવેતર કરવા કેનાલમાં સિંચાઈ માટે પાણી છોડવા ખેડૂતોની માંગ છે. 

વધુ વાંચોઃ હું એકલી છું કહીને મળવા બોલાવ્યો, પછી અચાનક સાત શખ્સો ત્રાટક્યા..: સુરતમાં હનીટ્રેપમાં ફસાયો રત્નકલાકાર, પોલીસે આ રીતે કરી મદદ

સુરેન્દ્રનગર, વઢવાણનાં ખેડૂતોની માંગ છે કે પાણી ચાલુ રાખો
આ બાબતે વઢવાણ ગામનાં ગૌતમભાઈ પટેલે જણાવ્યું હતું કે, 15 માર્ચે પરિપત્ર જાહેર કર્યો છે કે તા. 15 થી કેનાલ બંધ કરવાની.  ત્યારે હાલ ખેડૂતોએ તલનું વાવતેર ચાલુ કર્યું છે. અમારી માંગ એવી છે કે, પાણી ચાલુ રાખો અને ખેડૂતને બે મહિના માટે પાણી આપો. જેથી તલની નિપજ ખેડૂતો લઈ શકે. અમારી માંગ વઢવાણ, સુરેન્દ્રનગરનાં ખેડૂતોની માંગ એવી છે કે પાણી ચાલુ રાખો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો