વિદેશ પ્રવાસ / પૂર્વ મુખ્યમંત્રી રૂપાણી જુઓ લંડનમાં શું કરી રહ્યાં છે, સોશ્યલ મીડિયા પર શૅર કરી રહ્યાં છે તસવીરો

• વિજય રૂપાણી 17 દિવસના વિદેશ પ્રવાસે છે
• બ્રિટનમાં અનેક કાર્યક્રમોમાં તેમણે આપી હાજરી
• લંડનમાં વિજય રૂપાણીનું ભાજપ દ્વારા કરાયું હતું સન્માન
• દિવાળી પહેલા ગુજરાત પરત ફરે તેવી સંભાવના

થોડા દિવસ પૂર્વે ગુજરાતના પૂર્વ મુખ્યમંત્રી વિજય રૂપાણી તેમની દીકરીને મળવા માટે 17 દિવસના બ્રિટન પ્રવાસે છે. વિજય રૂપાણી 7 વર્ષ બાદ પોતાની દીકરીને મળ્યા છે. મુખ્યમંત્રી પદે મહત્વની જવાબદારીઓ, કોરોના મહામારી અને રાજ્યની અનેક કામગીરીઓના કારણે તેઓ પોતાની દીકરીને વર્ષોથી મળ્યા ન હતા. વિજય રૂપાણી અને અંજલીબેન રૂપાણી ગત 12 ઓક્ટોબરથી વિદેશ પ્રવાસે છે. તેઓ હાલ પત્ની સાથે બ્રિટનમાં છે. ત્યારે મુખ્યમંત્રીએ પોતાના વિદેશ પ્રવાસ દરમિયાન કેટલીક તસવીરો સોશિયલ મીડિયા પર શેર કરી હતી.

બ્રિટનમાં અનેક કાર્યક્રમોમાં તેમણે આપી હાજરી

બ્રિટનમાં તેઓ પરિવારના સભ્યો સાથે સમય ગાળી રહ્યા છે. તો તેમણે સોશિયલ મીડિયા પર પોસ્ટ કરતા જણાવ્યું કે, 'લંડન ખાતે રૂ.100 કરોડના ખર્ચે હિન્દુ સંસ્કાર સંવર્ધન સેન્ટર, જૈન કલ્ચર એકેડમી સેન્ટર અને જૈન દેરાસરનું નિર્માણ થઇ રહેલ પરિસરની મુલાકાત કરી હતી. સાથે ટ્રસ્ટીશ્રી નટુભાઈ શાહ, ટ્રસ્ટીશ્રી વિજયભાઈ શાહ, ટ્રસ્ટીશ્રી સતીષભાઈ મારવાડી, સુશ્રી લીનાબેન અને શ્રી ચંદ્રકાંતભાઈ શુકલ હાજર રહ્યા હતા.'

દિવાળી પહેલા ગુજરાત પરત ફરે તેવી સંભાવના

એવી ચર્ચા ચાલી રહી છે કે, વિજય રૂપાણી દિવાળીની ઉજવણી રાજકોટમાં અથવા ગાંધીનગરમાં કરશે. તેઓ તેઓ દિવાળી પહેલા ગુજરાત પરત ફરે તેવી શક્યતાઓ છે. 17 દિવસનું વેકેશન ગાળીને તેઓ હવે થોડા દિવસોમાં પત્ની અંજલી રૂપાણી સાથે વિદેશ પ્રવાસથી પરત ફરી શકે છે.

લંડન ખાતે નેશનલ કાઉન્સિલ ઓફ ગુજરાતી સંસ્થા-UK દ્વારા આયોજીત કાર્યક્રમમાં આપી હાજરી

મુખ્યમંત્રીની જવાબદારીથી મુક્ત થયેલા વિજય રૂપાણી પક્ષના કાર્યોમાં સક્રીય જ છે. લંડનમાં નેશનલ કાઉન્સિલ ઓફ ગુજરાત સંસ્થા-યૂકે દ્વારા યોજાયેલા એક કાર્યક્રમમાં તેમણે હાજરી આપી હતી.

લંડનમાં વિજય રૂપાણીનું ભાજપ દ્વારા કરાયું હતું સન્માન

લંડનમાં ભાજપ ઓવરસીઝ દ્વારા તેમનું સન્માન પણ કરવામાં આવ્યું હતું. આ કાર્યક્રમમાં આ કાર્યક્રમમાં શ્રીરામ મંદિર યુકેના પ્રમુખ જય શર્મા, હિન્દુ કાઉન્સિલ યુકેના ચેરમેન ઉમેશ શર્મા, ભાજપ ઓવરસીઝના પ્રમુખ કુલદીપ શેખાવત, ભારતીય જનતા પાર્ટી ઓવરસીઝના ઉપપ્રમુખ શશિકાંત પટેલ, ભાજપ ઓવરસીઝના મહામંત્રી સુરેશ મંગલગીરી તથા UK સ્થિત ગુજરાતી પરિવારો હાજર રહ્યા હતા.

લંડનમાં સંઘના આગેવાનો સાથે કરી શુભેચ્છા મુલાકાત

લંડન ખાતે રાષ્ટ્રીય સ્વયંસેવક સંઘના પૂર્વ વરિષ્ઠ પ્રચારક અને વિદેશમાં સંઘના પ્રચાર કાર્યનું દાયિત્વ નિભાવતા શ્રી ચંદ્રકાતભાઇ શુક્લ તથા વિવિધ ક્ષેત્રના સમવૈચારિક આગેવાનો સાથે શુભેચ્છા મુલાકાત કરી હતી.