બહુ કરી / ટ્વીટર વાપરવું છે તો પૈસા ચૂકવો, એલન મસ્ક હવે Twitterના આ ત્રણ ફીચર્સ માટે પણ વસૂલશે પૈસા

• એલન મસ્ક હવે ટ્વિટરના પ્રમુખ ફીચર્સ માટે યુઝર્સ પાસેથી પૈસા વસુલશે 
• આ ત્રણ ફીચર્સ માટે આપવા પડશે પૈસા 

એલન મસ્ક એ ટ્વિટર ખરીદી લીધું એ પછીથી એમને અત્યાર સુધી  ઘણા મોટા નિર્ણયો લીધા છે અને આ સાથે જ એમને ટ્વિટરના સીઇઓ સહિત અનેક કર્મચારીઓને કાઢી પણ મૂક્યા છે. આ બધા પછી એલન મસ્ક હવે ટ્વિટરના પ્રમુખ ફીચર્સ માટે યુઝર્સ પાસેથી પૈસા વસૂલવાનો પણ પ્લાન બનાવી રહ્યા છે. આજે અમે તમને એ ત્રણ ફીચર્સ વિશે જણાવવા જઈ રહ્યા છીએ જેને લઈને એલન મસ્ક ટ્વિટરના યુઝર્સ પાસેથી ચાર્જ વસૂલ કરવાના છે. 

pic.twitter.com/icg6e35LOe

— Elon Musk (@elonmusk) November 1, 2022

આ ત્રણ ફીચર્સ માટે આપવા પડશે પૈસા 
એલન મસ્ક જે પહેલા ફીચર માટે પૈસા વસૂલવાનું વિચારી રહ્યા છે તે છે ડાયરેક્ટ મેસેજ ફીચર. એલન મસ્ક આ ફીચરને લઈને પેઈડ બનાવવા  માટે તેમના સલાહકારો સાથે વાતચીત કરી રહ્યા છે. જણાવી દઈએ કે એક રિપોર્ટ અનુસાર આ બદલવામાં ટ્વિટર પર હાઈ પ્રોફાઈલ યુઝર્સને પ્રાઈવેટ મેસેજ મોકલવા માટે યુઝર્સને પૈસા ચૂકવવા પડશે. રિપોર્ટ અનુસાર આ વાતના જાણકાર બે લોકોસાથે વાતચીત પર આ વિશે માહિતી મળી હતી, અને એ લોકો ટ્વિટરના આંતરિક દસ્તાવેજો જોઈ ચૂક્યા છે. તમને જણાવી દઈએ કે હાલ એ સ્પષ્ટ નથી કે હાઈ-પ્રોફાઈલ યુઝર્સની શ્રેણીમાં કોણ આવશે.

Trash me all day, but it’ll cost $8

— Elon Musk (@elonmusk) November 5, 2022

એલન મસ્કે પોતે ટ્વિટર પરઆ વાતની પુષ્ટિ કરી ચૂક્યા છે કે ટ્વિટર બ્લુ ટિક માટે યુઝર્સને દર મહિને $8 (લગભગ રૂ. 661) ચાર્જ કરવામાં આવશે એટલે કે ટૂંક સમયમાં જ દરેક લોકોનું બ્લુ ટિક છીનવાઈ જશે. આ બદલાવ પછી જે કોઈને પણ ટ્વિટર પર બ્લુ ટિક માર્ક જોઈતું હશે તેને આ માટે ટ્વિટર બ્લુ સબસ્ક્રિપ્શન માટે ચૂકવણી કરવી પડશે અને એ પછી તે યુઝર્સ ને ફરીથી વેરિફિકેશન બેજ મળશે.જો કે આ કિંમત અલગ-અલગ દેશો માટે અલગ-અલગ હોઈ શકે છે. અત્યાર સુધી સામે આવેલા રિપોર્ટ્સ અનુસાર એલન મસ્ક આ મહિનાની નવેમ્બરથી આ સેવા શરૂ કરવાની યોજના બનાવી  રહ્યા છે. 

હવે વાત કરીએ ત્રીજા ફીચરની તો એ વિશે સાંભળીને તમે ચોંકી જશો. જણાવી દઈએ કે જો તમે ટ્વિટર પર વિડિયો જોઈ રહ્યા છો તો તમારે જલ્દી જ એ માટે પણ કિંમત ચૂકવવી પડશે. એટલે કે જો હવે તમારે વીડિયો જોવો હોય તો તમારે તેના પૈસા ચૂકવવા પડશે. એલન મસ્ક જલ્દી જ આ ફીચર લાવવા પર કામ કરી રહ્યા છે અને એ મુજબ વીડિયો અપલોડ કરવા માટે પૈસા ચૂકવવા પડશે અને આ સાથે જ વીડિયો જોનારાઓએ પણ પૈસા ચૂકવવા પડશે.