ભૂકંપ / અમદાવાદમાં 8.13 વાગ્યે 4 સેકન્ડ સુધી ભૂકંપના આંચકા અનુભવાયા, અલગ અલગ વિસ્તારોમાં લોકો નીચે ઉતરી ગયા

સમગ્ર ગુજરાતમાં ભૂકંપના આંચકા અનુભવાયા છે. રિક્ટર સ્કેલ પર ભૂકંપની તીવ્રતા 5.5 આંકવામાં આવી છે. ભૂકંપ આવતા જ લોકોમાં ડરનો માહોલ બન્યો અને લોકો ઘરો અને ઓફિસથી બહાર નિકળી ગયા. ભૂકંપનું કેન્દ્ર બિંદુ કચ્છના ભચાઉ નજીક 10 કિલોમીટર અંદર રહ્યું છે. અમદાવાદ, રાજકોટ અને કચ્છ સહિતના અનેક વિસ્તારોમાં ભૂકંપના કારણે લોકો પોતાના ઘરોમાં ધ્રૂજારી અનુભવી. જેના કારણે લોકો ડરી ગયા. તેઓ તાત્કાલિક દોડીને ઘરની બહાર આવી ગયા. 

માહિતી અનુસાર અમદાવાદમાં બોડકદેવ, વૈષ્ણોદેવી, ઘાટલોડિયા, ચાંદલોડિયા, રાણીપ જેવા વિસ્તારોમાં ભૂકંપના આંચકા અનુભવાયા હતા. કોરોના સંકટ અને હવે બીજી બાજુ ભૂકંપના આંચકાના અનુભવથી અમદાવાદીઓના મનમાં વધુ ગભરાટ ફેલાઇ ગયો હતો. અમદાવાદની ધરા ધ્રૂજતાં લોકોમાં 2001ની યાદો તાજી થઈ ગઈ હતી. 

An earthquake of magnitude 5.8 struck 122 km north-northwest (NNW) of Rajkot, Gujarat at 8:13 pm today: National Center for Seismology (NCS) pic.twitter.com/xHBfnim0OY

— ANI (@ANI) June 14, 2020

આ સિવાય જામનગર, જૂનાગઢ અને રાજકોટમાં પણ ભૂકંપનો જોરદાર આંચકો અનુભવાયો હતો અને બહુમાળી બિલ્ડિંગો ધ્રુજ્યા હતા.જ્યારે સુરેન્દ્રનગર, હળવદ, પાટણમાં પણ ભૂકંપનો આંચકો આવ્યો છે. રાજકોટથી નોર્થ-નોર્થ વેસ્ટ 122 કિમી ભૂકંપનું કેન્દ્ર બિંદુ અને તીવ્રતા 5.5ની નોંધાઈછે.