વેરાવળ / અચાનક શું થયું? ડૉ.અતુલ ચગ આપઘાત કેસનો અંત, દીકરાના ખુલાસાથી લોહાણા સમાજ ચોંક્યો

12 ફેબ્રુઆરી 2023એ વેરાવળ શહેરના ડૉ.અતુલ ચગે આત્મહત્યા કરી હતી. જે પહેલાં તેમણે સ્યુસાઈડ નોટ લખી હતી. જેમાં સાંસદ રાજેશ ચુડાસમા અને તેના પિતાના નામનો ઉલ્લેખ કરવામાં આવ્યો હતો. આમ છતાં પોલીસ ફરિયાદ નહતી થતી. જેથી અતુલ ચગના પરિવારે હાઈકોર્ટના દ્વાર ખખડાવ્યા હતા. જે બાદ પોલીસે રાજેશ ચુડાસમા અને તેના પિતા વિરુદ્ધ ફરિયાદ નોંધી હતી. 

પુત્ર હિતાર્થ ચગે કર્યો ખુલાસો
અત્યારે લોકસભા ચૂંટણી સમયે લોહાણા સમાજમાં રાજેશ ચુડાસમાનો વિરોધ જોવા મળી રહ્યો છે, ત્યારે અતુલ ચગના દીકરા હિતાર્થે પત્રકાર પરિષદ કરીને આ મામલાનો સુખદ અંત આવ્યો હોવાનું કહ્યું છે. તેમણે કહ્યું કે, આ પ્રકરણનો સુખદ અંત આવ્યો છે .સાથે જ તેમણે ડૉ. અતુલ ચગના નામે કોઈ સંમેલનો કે મિટીંગો ન કરવા અપીલ કરી હતી.

વાંચવા જેવું: અમદાવાદ, સુરેન્દ્રનગર સહિત આ જિલ્લાઓમાં રૂપાલા સામે ભારેલો અગ્નિ, સમાધાન મુદ્દે જોહરની ચીમકી

શુ હતો સમગ્ર મામલો?
તારીખ 12 ફેબ્રુઆરી 2023ના રોજ વેરાવળના નામાંકિત તબીબ ડોક્ટર અતુલ ચગે હોસ્પિટલના ઉપરના માળે ગળેફાંસો ખાઈ જીવન ટૂંકાવી લીધું હતું. જે મામલે સ્ટાફે પોલીસને જાણ કરતા પોલીસ ઘટનાસ્થળે દોડી આવી હતી. પોલીસે મૃતકની સ્યુસાઈડ નોટ સંદર્ભે ઊંડાણ પૂર્વકની તપાસ હાથ ધરી હતી. આ મામલે અનેક ચોંકાવનારા આરોપ લાગ્યા હતાં. ત્યારબાદ પરિવારજનોએ કહ્યું હતું કે, અતુલ ચગે રાજેશ ચુડાસમાના પિતાનો જીવ બચાવ્યો હતો, આમ છતાં તેમણે અતુલ ચગનો જીવ લીધો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો