આરોગ્ય ટિપ્સ / હાડકાંને લોખંડ જેવા કરવા છે મજબૂત? તો આજથી જ આહારમાંથી દૂર કરો આ ચીજ, થશે અનેક ફાયદા

• આહારમાં વધુ મીઠું નાખીને ખાવાની આદત મોટી મુશ્કેલી ઉભી કરી શકે
• મીઠાનું વધુ પડતું સેવન સ્વાસ્થ્ય માટે હાનિકારક માનવામાં આવે
• વધુ પડતા મીઠાનું સેવન બ્લડ પ્રેશર પર ખરાબ અસર કરે

જો તમને પોતાના આહારમાં વધુ મીઠું નાખીને ખાવાની આદત છે તો આ તમારા માટે મોટી મુશ્કેલી ઉભી કરી શકે છે. હાલમાં સામે આવેલા અભ્યાસમાં સામે આવ્યું કે મીઠું ખાવુ તમારા માટે કેટલું ખતરનાક હોઇ શકે છે. જો કે, મીઠું એક એવી વસ્તુ છે, જેના વગર ભોજન કરવામાં મજા આવતી નથી. પરંતુ વધુ માત્રામાં ખાવાથી આ તમારા શરીર માટે ખતરનાક સાબિત થઇ શકે છે. 

મીઠાનું વધુ પડતું સેવન અનેક રીતે સ્વાસ્થ્ય માટે હાનિકારક માનવામાં આવે છે. ચાલો જાણીએ વધુ પડતા મીઠાથી થતા જોખમો વિશે.

વધુ પડતા મીઠાનું સેવન બ્લડ પ્રેશર પર ખરાબ અસર કરે
ભારતમાં કરોડો લોકો હાઇ બ્લડ પ્રેશર એટલે કે બીપીની બીમારીથી પીડાઈ રહ્યા છે અને આ બીમારીથી પીડિત લોકોનો આંકડો દિવસેને દિવસે વધી રહ્યો છે. આજના સમયમાં બીપીની સમસ્યા દરેક વયજૂથના લોકોમાં જોવા મળે છે અને તેની પાછળનું કારણ નબળી લાઈફસ્ટાઈલ, અનહેલ્થી ડાઈટ અને તણાવ હોય શકે છે. જો કે આ કારણે હૃદય રોગનું જોખમ પણ વધી શકે છે અને આ બધા પાછળનું એક મુખ્ય કારણ છે વધુ પડતા મીઠાનું સેવન. વધુ પડતા મીઠાનું સેવન બ્લડ પ્રેશર પર ખરાબ અસર કરે છે.

વધુ પડતા મીઠાનું સેવન કરવાથી હાડકાં નબળા પડી શકે 
કેલ્શિયમ હાડકાંને સ્વસ્થ અને મજબૂત રાખવા માટે સૌથી જરૂરી ગણાતા પોષક તત્વોમાંનું એક છે. અભ્યાસમાં જાણવા મળ્યું છે કે જો તમે વધુ પડતા મીઠાનું સેવન કરો છો તો તેનાથી શરીરમાં કેલ્શિયમની ઉણપ થઈ શકે છે. તમે જેટલું વધુ મીઠું ખાઓ છો, તેટલું વધુ કેલ્શિયમ તમારા શરીરમાંથી દૂર થાય છે, જેનો અર્થ છે કે તે તમારા હાડકાં માટે પણ ખૂબ નુકસાનકારક છે. દિવસમાં 2,300 મિલિગ્રામ કરતાં ઓછું સોડિયમ લેવાનું લક્ષ્ય રાખો. 

વધુ મીઠું ખાવાથી આ બીમારીઓનો ખતરો
મીઠામાં સોડિયમ હોય છે, જે શરીર માટે ખૂબ જરૂરી છે. વધુ માત્રામાં તેનું સેવન હ્રદય રોગ, સ્ટ્રોક અને કિડનીના રોગનો ખતરો વધારી શકે છે. આ ઉપરાંત દુનિયાભરમાં થયેલા રિસર્ચમાં સામે આવ્યું છે કે લાંબા સમય સુધી સોડિયમની વધુ માત્રા લેવાથી મેદસ્વીતા, પેટનું કેન્સર અને ઓસ્ટિયોપોરોસિસ જેવી બીમારીઓનું જોખમ વધે છે.ભારતીયોના જમવામાં મીઠાનું પ્રમાણ વધુ ભારતીયોમાં મીઠાનો વપરાશ વધી રહ્યો છે. આજે આપણે જે પ્રકારની ખાણીપીણી ખાઇએ છીએ તેમાં વધુ મીઠું હોય છે. કોઇ પણ વ્યક્તિએ દિવસમાં પાંચ ગ્રામથી વધુ મીઠું ન ખાવુ જોઇએ.જોકે આખી દુનિયામાં લોકો રોજ ૧૦.૮ ગ્રામ મીઠાનું સેવન કરે છે, જે ઘાતક પરિણામો આપે છે અને કિડની, સ્ટ્રોક, હાઇ બ્લડ પ્રેશર, હાર્ટ એટેક જેવી બીમારીઓની ભેટ આપે છે.

આ અંગો પણ થાય છે પ્રભાવિત
વધારે મીઠાના સેવનથી હાઈ બીપીનો ખતરો રહે છે અને તેનાથી લોકોની આંખોનું તેજ ઘટે છે. શરીરમાં સોડિયમનું પ્રમાણ વધારે હોય તો તેનાથી ફેટી લિવરની મુશ્કેલી પણ સર્જાય છે. કિડનીની કાર્યક્ષમતા પર પણ અસર થયા છે. લિવરની આસપાસ ફેટ જમા થાય છે અને સોજા આવે છે. કિડનીની કાર્યક્ષમતા પર પણ અસર થાય છે તે ફિલ્ટર કરવામાં અસમર્થ બને છે.