Diwali 2023 / દિવાળીના દિવસે અપનાવો આ વાસ્તુ ટિપ્સ, કોઈ પણ પ્રકારની આર્થિક સમસ્યા થશે દૂર

• દિવાળીના દિવસે કરો આ વાસ્તુ ઉપાય 
• આર્થીક તંગીની સમસ્યા થશે દૂર 
• ઘરમાં આવશે સુખ-સમૃદ્ધિ

હિંદૂ ધર્મમાં દિવાળીનો તહેવાર સૌથી મોટો તહેવાર માનવામાં આવે છે. દર વર્ષે દેશભરમાં ખૂબ જ ધૂમધામથી દિવાળી ઉજવવામાં આવે છે. વર્ષ 2023માં દિવાળીનો તહેવાર 12 નવેમ્બર 2023એ ઉજવવામાં આવશે. દિવાળીના દિવસે માતા લક્ષ્મી અને ગણેશજીની પૂજા-અર્ચના કરવામાં આવે છે. 

દિવાળી વાસ્તુ ટિપ્સ 
દિવાળીના તહેવારને સુખ-સમૃદ્ધિનું પ્રતીક માનવામાં આવે છે. ધાર્મિક માન્યતાઓ છે કે દિવાળીના દિવસે લક્ષ્મી-ગણેશનું પૂજન કરવાથી ધન-સુખ-સૌભાગ્યામાં વૃદ્ધિ થાય છે.

ઘરની સાફ સફાઈ
દિવાળી આવવામાં થોડા દિવસો જ બાકી છે એવામાં ઘરમાં તૂટેલા વાસણ, ફર્નીચર છે તો તરત ઘરમાંથી બહાર કરી દો અને ઘરના કોઈ પણ ખૂણામાં કચરો ભેગો ન થવા દો. માન્યતા છે કે માતા લક્ષ્મી તે ઘરમાં વાસ કરે છે જ્યાં સાફ-સફાઈનું વધારે ધ્યાન રાખવામાં આવે છે. 

ઘરના કોઈ પણ ખૂણામાં ન હોવું જોઈએ અંધારૂ
સુનિશ્ચિત કરો કે ઘરના દરેક ઘરમાં ઉજાસ અને અજવાળુ હોય. દિવાળી પ્રકાશનો તહેવાર છે. એવામાં ઘરના દરેક ખૂણામાં રોશની કરો. 

રંગોળી 
વાસ્તુ અનુસાર પાંચ દિવસના દિપોત્સવ પર્વ પર રોજ રંગોળી જરૂર કરો. આ સુખ-સમૃદ્ધિનું પ્રતીક માનવામાં આવે છે. 

માટીના દિવા
દિવાળીના દિવસે માટીના દિવા કરવાથી વાસ્તુ દોષ દૂર થાય છે. આ દિવસે સવાર-સાંજ કપૂર પણ જરૂર સળગાવો. 

જળથી ભરેલું પાત્ર 
વાસ્તુ અનુસાર દિવાળીની સજાવટ વખતે ઘરના ઈશાન કોણમાં જળથી ભરેલું એક પાત્ર જરૂર રાખો. તેમાં સજાવટ માટે ફૂલોની પાંખડીઓ પણ મુકી શકો છો. માન્યતા છે કે આમ કરવાથી પરિવારના સદસ્યોના સુખ-સૌભાગ્યમાં વૃદ્ધિ થાય છે. 

તોરણ 
વાસ્તુ અનુસાર દિવાળીના દિવસે મુખ્ય દ્વાર પર આસોપાલવનું તોરણ જરૂર લગાવો. મેઈનગેટ પર શુભ લાભ અને સ્વસ્તિક પણ જરૂર લગાવો. માન્યતા છે કે તેનાથી માતા લક્ષ્મી પ્રસન્ન થાય છે અને ઘર પર હંમેશા પોતાની કૃપા વરસાવે છે.