BIG NEWS / PM મોદીએ સેનાના જવાનો સાથે લેપ્ચા બોર્ડર પર કર્યું દિવાળી સેલિબ્રેશન, ટ્વિટ કરી દેશવાસીઓને પાઠવી શુભેચ્છા

• દેશના જવાનો સાથે PM મોદીએ સેલિબ્રેટ કરી દિવાળી 
• સતત 10માં વર્ષે જવાનો સાથે દિવાળી ઉજવવા પહોંચ્યા PM મોદી
• ITBPના જવાનોને આપી શુભકામનાઓ

પ્રધાનમંત્રી નરેન્દ્ર મોદીએ સતત 10માં વર્ષે જવાનોની સાથે દિવાળી સેલિબ્રેટ કરી છે. PM મોદી રવિવારે સવારે તિબેટથી આગળ હિમાચલ પ્રદેશના લેપ્ચા પહોંચ્યા અને જવાનોને દિવાળીની શુભકામનાઓ આપી હતી. તેમણે ટ્વીટર પર લખ્યું- બહાદુર જવાનોની સાથે દિવાળી ઉજવવા માટે હિમાચલ પ્રદેશના લેપ્ચા આવ્યો છું. 

દર વર્ષે PM મોદી જવાનો સાથે સેલિબ્રેટ કરે છે દિવાળી 
2014માં પ્રધાનમંત્રી બન્યા બાદ મોદી પોતાની પહેલી દિવાળી ઉજવવા માટે સિયાચિન ગયા હતા. તેમણે પોતાના હાથોથી જવાનોને મિઠાઈ ખવડાવી હતી. 2022માં તેમણે કારગિલમાં જવાનોની સાથે દિવાળીનું સેલિબ્રેશન કર્યું હતું. ત્યારે તેમણે કહ્યું હતું કે બહાદુર જવાનોની વચ્ચે જઈને મારી દિવાળીની મિઠાસ વધી જાય છે. 

Reached Lepcha in Himachal Pradesh to celebrate Diwali with our brave security forces. pic.twitter.com/7vcFlq2izL

— Narendra Modi (@narendramodi) November 12, 2023

2014થી અત્યાર સુધી દિવાળી જવાનો સાથે કરી છે સેલિબ્રેટ 
પ્રધાનમંત્રીએ વર્ષ 2014માં સિયાચિન ગ્લેશિયરમાં વર્ષ 2015માં પંજાબના અમૃતસરમાં, વર્ષ 2016માં હિમાચલ પ્રદેશના કિન્નૌરમાં અને વર્ષ 2017માં કાશ્મીરના ગુરેજમાં સૈનિકો સાથે દિવાળી સેલિબ્રેટ કરી હતી. 

ત્યાર બાદ વર્ષ 2018માં પ્રધાનમંત્રીએ ઉત્તરાખંડના કેદારનાથમાં અને વર્ષ 2019માં જમ્મુ સંભાગના રાજૌરીમાં સેનાના જવાનો સાથે દિવાળી સેલિબ્રેટ કરી હતી. પ્રધાનમંત્રીએ વર્ષ 2020માં દિવાળી રાજસ્થાનથી જેસલમેરમાં ઉજવી, વર્ષ 2021માં રાજૌરી જિલ્લાના નૌશહરા અને વર્ષ 2022માં કારગિલમાં દિવાળી ઉજવી હતી.