જનમત / ખેડામાં કોણ આવશે? દેવુસિંહ ચૌહાણ કે કાળુસિંહ ડાભી, જ્ઞાતિ સમીકરણ ખોરવ્યું પાર્ટીનું ગણિત

લોકસભા ચૂંટણી જાહેર થઈ ગઈ છે. ત્યારે હાલ તમામ ઉમેદવારો ચૂંટણી પ્રચારમાં લાગેલા છે. ખેડા બેઠક પર ભાજપ તેમજ કોંગ્રેસનાં ઉમેદવારો દ્વારા ચૂંટણી પ્રચાર શરૂ કરી દીધો છે. ત્યારે ખેડામાં ચૂંટણીને લઈને ક્યાં મુદ્દા પર ચર્ચા છે. તેમજ ઉમેદવારો ક્યાં મુદ્દા પર જીતનો વિશ્વાસ કરી રહ્યા છે. તેમજ ખેડા બેઠકનો રાજકીય ઈતિહાસ કેવો રહ્યો? 

કોણ છે દેવુસિંહ ચૌહાણ?

ખેડાના વર્તમાન સાંસદ દેવુંસિંહ ચૌહાણની વાત કરીએ તો તેઓ 2001થી જાહેર જીવનની કારકિર્દીની શરૂઆત કરી હતી.  2007માં પહેલીવાર માતરના ધારાસભ્ય બન્યા હતા. ખેડા લોકસભા બેઠકથી 2009, 2014, 2019માં લડ્યા. 3 ટર્મમાંથી બે ટર્મમાં જીત મેળવી. તેમજ ભાજપે ચોથી વાર લોકસભા લડવાની તક આપી. વર્તમાન સરકારમાં રાજ્યકક્ષાના સંચાર મંત્રી હતી.

કોણ છે કાળુસિંહ ડાભી?
1985થી જાહેરજીવનની કારકિર્દીની શરૂઆત કરી હતી.  1991માં પહેલીવાર સરપંચ તરીકે ચૂંટાયા હતા. તેમજ  તાલુકા અને જિલ્લા પંચાયતમાં વિવિધ હોદ્દાઓ ઉપર રહ્યા હતા. 2017માં કોંગ્રેસ તરફથી કપડવંજ બેઠકથી ચૂંટાયા હતા.  2022ની વિધાનસભા ચૂંટણીમાં હાર.

2019નું પરિણામ
ભાજપ     દેવુસિંહ ચૌહાણ
પરિણામ     જીત    

કોંગ્રેસ     બિમલ શાહ
પરિણામ     હાર

ખેડા લોકસભામાં કેટલી વિધાનસભા સમાવિષ્ટ?

દસક્રોઈ
ધોળકા
માતર
નડિયાદ
મહેમદાવાદ
મહુધા
કપડવંજ

ખેડા બેઠકનો રાજકીય ઈતિહાસ
અગાઉ બૃહદ ખેડા બેઠક હતી. બૃહદ ખેડા બેઠકનું ખેડા અને આણંદમાં વિભાજન થયું. મોટેભાગે કોંગ્રેસના વર્ચસ્વવાળી બેઠક હતી. 2014 પહેલા અહીં ભાજપ એક જ વાર જીત્યું હતું. 1991માં અહીં પહેલીવાર ભાજપે જીત મેળવી હતી. કોંગ્રેસ તરફથી દિનશા પટેલ ખેડાથી પાંચ ટર્મ સાંસદ રહ્યા હતા.  2014 અને 2019માં અહીં ભાજપે સતત બે વાર જીત મેળવી. 

વધુ વાંચોઃ મનસુખ વસાવા કે ચૈતર વસાવા? ભરૂચ બેઠક પર કોનો ભાર વધારે, જ્ઞાતિ સમીકરણ ફિફ્ટી ફિફ્ટી

ખેડા બેઠકનું જ્ઞાતિ ગણિત

• ક્ષત્રિય મતદાર 41%
• પાટીદાર મતદાર 16%
• મુસ્લિમ મતદાર 11.50%
• દલિત મતદાર 7.60%
• અન્ય પછાત વર્ગના મતદાર 14.20%

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો