દુખદ ઘટના / ઈન્ડીયન એરફોર્સનું ફાઈટર પ્લેન મિગ-21 દુર્ઘટનાગ્રસ્ત થતા એક ગ્રુપ કેપ્ટન શહીદ

• સેન્ટ્રલ ઈન્ડીયાના એરબેસ પરથી ઉડાણ ભરતા મિગ-21 થયું ક્રેશ 
• એક ગ્રુપ કેપ્ટન શહીદ થયા
• મિગ-21 કોમ્બેટ ટ્રેનિંગ મિશન પર જઈ રહ્યું હતું 

બુધવારે સવારે સેન્ટ્રલ ઈન્ડીયામાં એક એરબેસ પર કોમ્બેટ ટ્રેનિંગ મિશન દરમિયાન ટેક ઓફ કરતી વખતે મિગ-21 ક્રેશ થયું હતું તેમાં એક ગ્રુપ કેપ્ટન શહીદ થયા હતા. 

ઈન્ડીયન એરફોર્સે ટ્વિટ કરીને આ દુર્ઘટના પર દુખની લાગણી વ્યક્ત કરી હતી. ઈન્ડીયન એરફોર્સે જણાવ્યું કે આ દુખદ ઘટનામા ઈન્ડીયન એરફોર્સે ગ્રુપ કેપ્ટન એ ગુપ્તાને ગુમાવી દીધા છે. ઈન્ડીયન એરફોર્સે ઘેરા શોકની લાગણી વ્યક્ત કરે છે અને દુખની આ ઘડીમાં પરિવારના સભ્યોની સાથે છે. દુર્ઘટનાનું કારણ જાણવા માટે કોર્ટ ઓફ ઈન્કવાયરીનો ઓર્ડર અપાયો છે. 

A MiG-21 Bison aircraft of IAF was involved in a fatal accident this morning, while taking off for a combat training mission at an airbase in central India.

— Indian Air Force (@IAF_MCC) March 17, 2021

શું છે મિગ-21 બાઈસલ લડાકૂ વિમાન
ઈન્ડીયન એરફોર્સે 1961 ની સાલમાં મિકોયોન ગુરેબિચ ડિઝાઈન બ્યૂરો નિર્મિત મિગ-21 વિમાનની ખરીદી કરી હતી તેમાં એક એન્જિન અને એક સીટ છે. મિગ-21 જમીન પર માર કરવામાં સક્ષણ છે. ઘણા લાંબા સમયથી આ વિમાન ઈન્ડીયન એરફોર્સની કરોડરજ્જુ રહી છે. મિગ-21 ની વધારેમાં વધારે ગતિ 2230 કિલોમીટર પ્રતિ કલાકની છે અને તે 23 મિલિમિટરની બે બેરલ તોપની સાથે ચાર આર 60 લડાકૂ મિસાઈલ લઈ જવા સક્ષમ છે.