લોકસભા ચૂંટણી 2024 / 'અપક્ષ જીત્યા બાદ ફરી ઘરે પાછુ જ આવવાનું છે' બનાસકાંઠામાં CR પાટીલે કર્યો કટાક્ષ

બનાસકાંઠાના ડીસામાં કાર્યકર્તાની બેઠકમાં સી.આર.પાટીલે અપક્ષ પર નિશાન સાધ્યું હતું. વિધાનસભાની ચૂંટણીમાં અપક્ષ તરીકે ઉમેદવારી કરેલા લોકો પર નિશાન સાધ્યું હતું. રાજ્યમાં અપક્ષને ખબર છે અપક્ષ જીતશું. અપક્ષ જીત્યા બાદ ફરી પાછું ઘરે પાછુ જ આવવાનું છે. બેઠકમાં ધાનેરાનાં ધારાસભ્ય માવજી દેસાઈ પણ જોવા મળ્યા હતા. માવજી દેસાઈ પહેલા અપક્ષ લડ્યા અને બાદમાં જીત્યા બાદ ભાજપમાં જોડાયા હતા. 

અપક્ષોને પણ ખબર છે કે ભાજપ સાથે નહી રહીએ તો ઘરે પરત આવી જઈશુંઃ સી.આર.પાટીલ
બનાસકાંઠાનાં ડીસામાં કાર્યકર્તાની બેઠકમાં ભાજપ પ્રદેશ પ્રમુખ સી.આર.પાટીલે જણાવ્યું હતું કે, ગુજરાતમાં અપક્ષોને પણ ખબર છે કે, અપક્ષ જીતશું અને ભાજપ સાથે નહી રહીએ તો પરત ઘરે આવી જઈશું. માવજીભાઈની ઈચ્છા ત્યારે પણ હતી પણ તેમનું નસીબ જોર ન કર્યું.  

વધુ વાંચોઃ ગુજરાતમાં ત્રણ દિવસ કાળઝાળ ગરમી, ત્યારબાદ માવઠું, અંબાલાલ પટેલની આગાહી

અહીં બેઠેલા બુથ પ્રમુખો ઉપર વિશ્વાસ હતોઃ સી.આર.પાટીલ (પ્રદેશ પ્રમુખ, ભાજપ)
બનાસકાંઠાનાં ડીસા ખાતે પ્રદેશ પ્રમુખનાં અધ્યક્ષ સ્થાને યોજાયેલ બુથ પ્રમુખ સંમેલનમાં પ્રદેશ પ્રમુખે કહ્યું હતું કે, બહુ બોલવા માટે કે ભાષણ કરવા માટે આવ્યો નથી. તેમજ એવું પણ ન માની લેવાય કે 5 લાખ મતથી જીતીએ છીએ. ત્યારે મે 182 વિધાનસભા જીતવાની વાત કરી હતી. પણ તમને કોઈને વિશ્વાસ ન હતો. તેમજ મને પણ મારામાં વિશ્વાસ ન હતો. પણ અહીં બેઠેલા બુથ પ્રમુખો ઉપર વિશ્વાસ હતો. વડાપ્રધાનનાં વિશ્વાસને લોકોએ સાર્થક કર્યો છે. એમને અનુભવ હતા કે કઈ સીટ ઉપર કોણ જીતશે. એના પ્રમાણે એમને ઉમેદવારોની પસંદગી કરી અને પરિણામ મળ્યું. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો