ચિંતાજનક / છેલ્લા 24 કલાકમાં 7ના મોત: દેશમાં ફરી કોરોનાએ રફ્તાર પકડી, નોંધાયા વધુ નવા 743 કેસ

• 24 કલાકમાં કોરોનાના 743 નવા કેસ નોંધાયા 
• દેશમાં એકિટવ કેસની સંખ્યા વધીને 3,997 થઈ  
• છેલ્લા 24 કલાક દરમિયાન સાત લોકોના મોત થયા 

ભારત સહિત વિશ્વભરમાં ફરી કોરોના હાહાકાર મચાવી રહ્યો છે. કોરોના કેસમાં ધરખમ વધારો થતા ફરી દેશમાં ચિંતાની લહેર પ્રસરી છે. વર્ષ 2023ના અંતમાં માત્ર થોડા જ કલાકો બાકી છે, પરંતુ દેશમાં કોરોના ધીમો પડી રહ્યો નથી. ભારતમાં છેલ્લા 24 કલાકમાં કોવિડ-19ના 743 નવા કેસ નોંધાયા છે.એક દિવસ પહેલા દેશમાં 797 નવા કેસ નોંધાયા હતા. જોકે, એક દિવસ બાદ દેશમાં કોરોનાના કેસમાં ઘટાડો નોંધાયો છે. જો કે, મૃત્યુઆંક આગલા દિવસની સરખામણીએ વધ્યો છે. શુક્રવારે કોરોનાને કારણે પાંચ લોકોના મોત થયા હતા, જ્યારે આજે સાત લોકોના મોત થયા છે. જણાવી દઈએ કે 28 ડિસેમ્બર સુધી દેશમાં કોવિડ-19ના સબ-વેરિયન્ટ JN.1ના કુલ 145 કેસ નોંધાયા છે. કેરળમાં COVID-19 ના JN.1 પ્રકારનો પ્રથમ કેસ નોંધાયો હતો. તેને ધ્યાનમાં રાખીને દેશભરમાં એડવાઈઝરી જારી કરવામાં આવી છે.

 

દેશમાં 743 નવા કેસ નોંધાયા છે

કેન્દ્રીય સ્વાસ્થ્ય મંત્રાલયના જણાવ્યા અનુસાર, છેલ્લા 24 કલાકમાં કોરોના વાયરસના 743 નવા કેસ નોંધાયા છે. દેશમાં એકિટવ કેસની સંખ્યા વધીને 3,997 થઈ ગઈ છે.

વાંચવા જેવું : ભારતમાં ફરી કોરોનાનો ફૂંફાડો: નવા કેસ આવ્યા તો તૂટી ગયો સાત મહિનાનો રેકોર્ડ, શું JN.1 છે કારણ

24 કલાકમાં સાત લોકોએ જીવ ગુમાવ્યા 

કેન્દ્રીય સ્વાસ્થ્ય મંત્રાલયના સત્તાવાર આંકડા અનુસાર, છેલ્લા 24 કલાક દરમિયાન સાત લોકોના મોત થયા છે. કોરોના વાયરસના કારણે કેરળમાં ત્રણ, કર્ણાટકમાં બે અને છત્તીસગઢ અને તમિલનાડુમાં એક-એક વ્યક્તિના મોત થયા છે.

અત્યાર સુધીમાં ઘણા કેસ મળી આવ્યા 

કેન્દ્રીય સ્વાસ્થ્ય મંત્રાલયે કહ્યું કે, વર્ષ 2020થી અત્યાર સુધીમાં દેશમાં 4 કરોડ 50 લાખ 12 હજાર 484 કેસ નોંધાયા છે. આ સિવાય દેશમાં કોવિડ-19ના કેસને કારણે મૃત્યુઆંક વધીને 5,33,358 થઈ ગયો છે.

વાંચવા જેવું : આ છે કોરોનાના નવા વેરિઅન્ટનું સેફ્ટી કવચ: JN.1થી સુરક્ષિત રહેવું હોય તો આટલું જાણી લેજો, નહીં પડો બીમાર