તપાસ / સુરતમાં પણ કોરોના વાયરસના 3 શંકાસ્પદ કેસ, અમદાવાદની મહિલાનો જુઓ શું આવ્યો રિપોર્ટ

• કોરોના વાયરસની ભારતમાં પણ અસર
• અત્યાર સુધીમાં ભારતમાં 26 પોઝિટિવ કેસ
• ગુજરાતના અમદાવાદ બાદ સુરતમાં શંકાસ્પદ કેસ

વિદેશથી પરત ફરેલા સુરતના 3 નાગરિકોની તપાસ 

વિદેશથી સુરત પરત ફરેલા કોરોનાના ત્રણ શંકાસ્પદ દર્દીને ઓબ્ઝર્વેશન હેઠળ રખાયા છે. ઈરાનથી પરત ફરેલા એક યુવકને સુરત સિવિલ હોસ્પિટલમાં દાખલ કરાયો છે. જ્યારે મલેશિયા અને થાઈલેન્ડથી પરત ફરેલા અન્ય બે યુવકને સ્મીમેર હોસ્પિટલમાં આઈસોલેશન વોર્ડમાં રખાયા છે. રિપોર્ટ ન આવે ત્યાં સુધી તમામને નિરીક્ષણ હેઠળ રખાશે. સિવિલમાં દાખલ યુવક ઈરાનથી 10 દિવસે ભારત પરત ફર્યો છે. રિપોર્ટ આવ્યા બાદ કોરોના ત્રણે દર્દીઓ કોરોનાથી પીડિત છે કે કેમ તેની જાણ થઈ શકશે.

અમદાવાદની યુવતિનો રિપોર્ટ નેગેટિવ

ચીન બાદ વિશ્વમાં કોરોના વાયરસ ફેલાઇ રહ્યો છે. ત્યારે આ કોરોનાના ભણકારા ભારતમાં સંભળાય રહ્યાં છે. સિંગાપોરથી અમદાવાદ પરત ફરેલી 23 વર્ષની એક યુવતીને શંકાસ્પદ કોરોનાને કારણે સિવિલ હોસ્પિટલમાં દાખલ કરવામાં આવી હતી. જોકે રિપોર્ટ નેગેટિવ આવતા યુવતીને હોસ્પિટલમાંથી રજા આપવામાં આવી છે.

ચીનના વુહાનથી ફેલાવાનું શરૂ થયેલ કોરોના વાયરસના ભારતમાં પણ અત્યાર સુધીમાં કુલ 29 પોઝિટિવ કેસ સામે આવ્યા છે જેમાં 3 સારા થઇ ચૂક્યા છે તો 26ની સારવાર ચાલી રહી છે. જોકે કોરોના વાયરસના કારણે લોકોમાં ઘણો ડર જોવા મળી રહ્યો છે. તેવામાં ભારતમાં આ વખતે હોળીના તહેવારને લઇને પણ લોકો સાવચેતી વર્તી રહ્યા છે.

સરકારે કહ્યું- ડરવાની જરૂર નહીં

કોરોના વાયરસ સાથે લડવાની તૈયારી સરકાર કરી રહી છે. બધુવારે સ્વાસ્થ્યમંત્રી હર્ષવર્ધનના વરિષ્ઠ અધિકારીઓએ સાથે મળીને બેઠક કરી અને તૈયારીઓ સમીક્ષા કરી. કેન્દ્રીય મંત્રીએ બુધવારે એલાન કર્યું કે અત્યાર સુધી 15 લેબ છે, જેમાં કોરોના વાયરસની તપાસ કરવામાં આવી રહી છે, હવે સરકાર તરફથી 19 લેબ વધુ બનાવવામાં આવશે.

India is well prepared to prevent the spread of #COVID19india.

All landports under MHA have fully equipped medical teams present across States to screen all incoming passengers from neighboring countries.@MoHFW_INDIA

— Spokesperson, Ministry of Home Affairs (@PIBHomeAffairs) March 4, 2020

કેન્દ્ર સરકારનું કહેવું છે કે વાયરસથી ડરવાની જરૂર નથી. તેઓ ગૃહ મંત્રાલય હેઠળ આવનાર તમામ લેન્ડપોર્ટમાં પાડોશી દેશોથી આવનાર તમામ યાત્રીઓના સ્ક્રીનિંગ માટે મેડિકલ ટીમો લગાવવામાં આવી છે.