કોરોના વાયરસ / અમદાવાદીઓ માટે મોટી ખબર, મહિનાઓથી જે વિસ્તારો માઇક્રો કન્ટેઈનમેન્ટ હતા તેમને મળી આઝાદી

Hiren

Last Updated: 11:09 PM, 8 June 2020

FOLLOW ON

શેર કરો

અમદાવાદ શહેરનાં માઈક્રો કન્ટેઈન્મેન્ટ વિસ્તારો અંગે મહત્વનો નિર્ણય લેવામાં આવ્યો છે. શહેરના માઈક્રો કન્ટેઇન્મેન્ટ વિસ્તારોની યાદી જાહેર કરવામાં આવી છે. ત્યારે જાણો નવી યાદીમાં ક્યા વિસ્તારનો સમાવેશ કરાયો છે અને કયા વિસ્તારને મુક્તિ મળી છે.

અમદાવાદ શહેરમાં નવા માઈક્રો કન્ટેઇન્મેન્ટ વિસ્તારો જાહેર
અમદાવાદ શહેરના 7 ઝોનના 35 વિસ્તારો હજુ પણ માઈક્રો કન્ટેઇન્મેન્ટ
4,594 મકાન અને 15,531 લોકોને માઈક્રો કન્ટેઇન્મેન્ટ ઝોનમાંથી મુક્તિ

અમદાવાદ શહેરમાં નવા માઈક્રો કન્ટેઈન્મેન્ટ વિસ્તારો જાહેર કરાયા છે. અમદાવાદ શહેરના 7 ઝોનના કુલ 35 વિસ્તારો હજુ માઈક્રો કન્ટેઈન્મેન્ટમાં સામેલ છે. બીજી તરફ રાહતની વાત એ છે કે કુલ 4,594 મકાન અને 15,531 લોકોને માઈક્રો કન્ટેઈન્મેન્ટ ઝોનમાંથી મુક્તિ મળી છે. જે વિસ્તારોને માઈક્રો કન્ટેઈન્મેન્ટ ઝોનમાંથી મુક્ત કરાયા છે.

તેમાં વટવા, ઘાટલોડિયા, નવરંગપુરા, ખાડિયા, જમાલપુર, વટવામાંથી નિલગીરી સોસાયટી, ઘાટલોડિયાની રીદ્ધિ સોસાયટી, બોડકદેવમાંથી ચૈતન્ય સોસાયટી અને ગુલબાઈ ટેકરાનો સમાવેશ થાય છે. આ ઉપરાંત જમાલપુરમાંથી તાડની શેરી, ખાડિયામાંથી બિસ્કિટગલી, પાનકોરનાકા મહાજનનો વંડો, રાજામહેતાની પોળ અને જકરિયાપોળ વિસ્તારને પણ માઈક્રો કન્ટેઈન્મેન્ટ ઝોનની યાદીમાંથી હટાવાયા છે.