કોરોના વાયરસ / કોરોના વાયરસને લઈને મોટા સમાચાર, ગુજરાતમાં આજે રાત્રે 12 વાગ્યાથી 31 માર્ચ સુધી લૉકડાઉન

• કોરોના વાયરસને લઇને મોટા સમાચાર સામે આવ્યા
• ગુજરાતમાં 31 માર્ચ સુધી સમગ્ર રાજ્યમાં લોકડાઉન
• પોલીસ અને ગૃહ વિભાગ દ્વારા પ્રેસ કોન્ફરન્સ

​કોરોના વાયરસને લઇને મોટા સમાચાર સામે આવ્યા છે. પોલીસ અને ગૃહ વિભાગ દ્વારા પ્રેસ કોન્ફરન્સ યોજવામાં આવી હતી. જેમાં રાત્રીના 12 વાગ્યા બાદ ગુજરાતમાં 31 માર્ચ સુધી સમગ્ર રાજ્યમાં લોકડાઉન જાહેર કરવામાં આવ્યું છે. જેમાં વાહનોની અવર-જવર પર સંપૂર્ણ પ્રતિબંધ, રાજ્યની તમામ બોર્ડર સીલ કરી દેવામાં આવી છે.

લોકો વગર કારણે બહાર નહીં નિકળી શકે. બાઈક અને કાર સિવાય તમામ વાહન-વ્યવહાર પર પ્રતિબંધ મુકાયો છે. જીવન જરૂરિયાત સિવાય તમામ વેપાર-ધંધા બંધ રહેશે. કારણ વગર બહાર નિકળનાર સામે પોલીસ કાર્યવાહી કરશે. કેન્દ્ર સરકાર પાસે 4 RAFની કંપનીની માગ કરાઈ છે.

જાણો શું રહેશે બંધ

• ફેક્ટરી, ગોડાઉન, કારખાના, ઉદ્યોગો બંધ રહેશે
• રાજ્યમાં દુકાનો, ઓફિસો, ફેક્ટરીઓ સદંતર બંધ રહેશે
• હોટલ અને રેસ્ટોરેન્ટ બંધ રહેશે
• AMTS અને BRTS અને સીટી બસ બંધ રહેશે
• તમામ મુસાફરોની હેરફેર કરતા વાહનો પર પ્રતિબંધ
• પાર્ક એન્ડ ગાર્ડન પર પણ પ્રતિબંધ મુકાયો છે
• મેટ્રો, ટ્રેન અને ST બસ બંધ રહેશે
• અમદાવાદના રિવરફ્રન્ટ અને કાંકરિયા પર પ્રતિબંધ
• લૉ ગાર્ડન અને ખાણીપીણી બજાર બંધ
• ખાનગી ઓફિસો પણ રહેશે બંધ
   

જાણો શું રહેશે ચાલુ

• સરકારી સેવાઓ, દૂધ-શાકભાજીની દુકાનો ચાલુ રહેશે
• આવશ્યક સેવાઓના પરિવહન અને ઈ-કોમર્સ ચાલુ
• મેડિકલ સેવાઓ, મેડિકલ સામગ્રીનુ ઉત્પાદન શરૂ રહેશે
• પશુ આહાર, ઘાસચારો જેવી સેવાઓ ચાલુ રહેશે
• વીજ ઉત્પાદન, ઈન્ટરનેટ, મોબાઈલ, આઈટી ચાલુ રહેશે
• પાણી પુરવઠાની સેવાઓ, પેટ્રોલપંપ ચાલુ રહેશે
• બેંક, ATM, સ્ટોક એક્સચેંજ ચાલુ રહેશે
• પોસ્ટ, કુરીયર સર્વિસ, ખાનગી સિક્યુરિટી સેવા ચાલુ રહેશે

મહત્વનું છે કે, કોરોના વાયરસના મુદ્દે CM નિવાસસ્થાને બેઠક મળી હતી. CM રૂપાણીની અધ્યક્ષતામાં કોરોના મામલે ચર્ચા થઇ હતી. DyCM અને ગૃહમંત્રી સહિતના મંત્રીઓ પણ હાજર રહ્યા હતા. રાજ્યના મુખ્ય સચિવ, આરોગ્ય અગ્રસચિવ હાજર રહ્યા હતા.