નિવેદન / 'ફૂલ સ્પીડમાં હતી કોરોમન્ડલ એક્સપ્રેસ, રોકવી અસંભવ હતી..' ઓડિશા ટ્રેન દુર્ઘટના બાદ રેલવેનું નિવેદન, જણાવ્યું ક્યાં શું બન્યું

• ઓડિશાના બાલાસોરમાં થયેલ ટ્રેન દુર્ઘટના મામલો
• પુરજોશમાં ચાલી રહ્યું છે રેસ્ક્યુ અભિયાન
• રેલવે તંત્રએ આપ્યું સત્તાવાર નિવેદન

ઓડિશાના બાલાસોરમાં ગઈકાલે ભયાનક ટ્રેન દુર્ઘટના સર્જાઈ હતી. જેમાં એક સાથે 288 જેટલા લોકોના મોત નિપજયા હોવાનું સામે આવ્યું છે. આ ઉપરાંત હજાર જેટલા મુસાફરો ઇજાગ્રસ્ત થયા હોવાનું સામે આવ્યું છે. બીજી બાજુ તંત્ર દ્વારા પુરજોશમાં રેસ્ક્યુ અભિયાન ચાલી રહ્યું છે. આવી સ્થિતિ વચ્ચે રેલવેના સંબંધીત વિભાગનું નિવેદન સામે આવ્યું છે. જેમાં ટ્રેન બેફામ સ્પીડે હોવાનું સામે આવ્યું છે. રેલવે દ્વારા સત્તાવાર નિવેદનમાં સામે આવ્યું છે કે ટ્રેન નંબર 12481 કોરોમંડલ એક્સપ્રેસ બહંગા બજાર સ્ટેશનની મુખ્ય લાઇન પરથી જઈ રહી હતી. આ દરમિયાન ટ્રેન બેફામ સ્પીડે હોવાથી સામે આવ્યું છે. તેને સ્ટેશન પર રોકવી શક્ય ન હતી. 

21 ડબ્બા પાટા પરથી ઉતરી ગયા

જેને લઈને દુર્ઘટના સર્જાઈ હતી. પરિણામે 21 ડબ્બા પાટા પરથી ઉતરી ગયા હોવાનું બહાર આવ્યું છે. મહત્વનુ છે કે દરેક સ્ટેશન પર અન્ય ટ્રેન પસાર કરવા માટે લુપ લાઇન લાગવાયેલ હોય છે. જે બહાનગા બજાર સ્ટેશન પર અપ ડાઉન, બે લપ લાઇન છે. આ લુપ લાઇન પર ટ્રેનને ત્યારે થોભાવવામાં આવે છે. જ્યારે કોઈ ટ્રેન સ્ટેશન પાસ કરાવે છે.

હાવડા-યશવંતપુર એક્સપ્રેસમાં 1039 લોકોનું રજિસ્ટ્રેશન
ડાઉન લાઇન ટ્રેન 12864 યશવંતપુર-હાવડા એક્સપ્રેસ બહાનગા બજાર સ્ટેશનથી પસાર થઈ રહી હતી અને કોરોમંડલ સાથે અથડાઈ હતી. જેમા હાવડા એક્સપ્રેસના બે ડબ્બા ખડી ગયા હતા અને દુર્ઘટના સર્જાય હતી. રેલ્વે તંત્રના જણાવ્યા અનુસાર, કોરોમંડલ એક્સપ્રેસમાં 1257 લોકોએ રિઝર્વેશન કરાવ્યું હતું. તો હાવડા-યશવંતપુર એક્સપ્રેસમાં 1039 લોકોનું અગાઉથી રજિસ્ટ્રેશન હતું.