દેશ / 'મણીપુર સળગી રહ્યું છે છતાંય વિદેશ જઈ રહ્યાં છો'? PM મોદીને હિંસા મામલે મૌન તોડવાનું કહ્યું કોંગ્રેસે

• કોંગ્રેસ નેતાએ PM મોદી પર સાધ્યું નિશાન
• કહ્યું 'મણિપુરની સ્થિતિને નજરઅંદાજ કરીને વિદેશ જઈ રહ્યાં છે'
• 'વિશ્વગુરુ PM મોદી મણિપુરની વાત ક્યારે સાંભળશે? '

મણિપુરમાં છેલ્લા દોઢ મહિનાથી હિંસાનું વાતાવરણ જોવા મળી રહ્યું છે. PM મોદીની તરફથી આ હિંસાને લઈને કોઈપણ પ્રકારની પ્રતિક્રિયા આપવામાં આવી નથી. કોંગ્રેસનાં વરિષ્ઠ નેતા કે.સી.વેણુગોપાલે મણિપુર હિંસાને લઈને PM મોદી પર નિશાન સાધ્યું હતું. તેમણે કહ્યું કે 'છેલ્લાં 49 દિવસોથી મણિપુર સળગી રહ્યું છે અને 50માં દિવસે પણ PM મોદી મણિપુરમાં ચાલી રહેલા સંકટ પર એક શબ્દ પણ બોલ્યાં વિના વિદેશ જઈ રહ્યાં છે.'

' મણિપુરમાં હજારો લોકો મૃત્યુ પામ્યાં છે'
કોંગ્રેસ નેતા કે.સી.વેણુગોપાલે કહ્યું કે,' મણિપુરમાં હજારો લોકો મૃત્યુ પામ્યાં છે, હજારો લોકો બેઘર થયાં છે, અગણિત ચર્ચ અને પૂજાનાં સ્થળોને નષ્ટ કરી દેવામાં આવ્યાં છે. હવે હિંસા મિઝોરમમાં પણ ફેલાઈ રહી છે. છેલ્લાં ઘણાં દિવસોથી મણિપુરનાં નેતા PM પાસે હસ્તક્ષેપ કરવાની માંગ કરી રહ્યાં છે. જેમ-જેમ દિવસો પસાર થઈ રહ્યાં છે તેઓ વિશ્વાસ અપાવી રહ્યાં છે કે PM મોદી અને ભાજપ સોલ્યુશનની જગ્યાએ સંઘર્ષને વધુ લાંબુ ખેંચવામાં લાગી છે.'

#WATCH | Manipur CM N Biren Singh says, "...Now, I am going to have a review meeting of the security, how it happened and how it can be prevented in the future. These types of things have to be stopped immediately..." https://t.co/8rVpkz3Aqu pic.twitter.com/Y2xiS1txVX

— ANI (@ANI) June 19, 2023

વેણુગોપાલે PM મોદીથી કર્યાં સવાલો
PM મોદીથી સવાલો કરતાં વેણુગોપાલે કહ્યું કે વિશ્વગુરુ PM મોદી મણિપુરની વાત ક્યારે સાંભળશે? શાંતિની એક સામાન્ય અપીલ કરવા માટે તે દેશ સાથે ક્યારે વાત કરશે? તેમણે કહ્યું કે' PM મોદી ક્યારે  ગૃહમંત્રી અને મણિપુરનાં મુખ્યમંત્રી પાસે શાંતિ સ્થાપિત કરવામાં મળેલી નિષ્ફળતા અંગે જવાબદારી સ્વીકારવાની માંગ કરશે.?'