વર્લ્ડ ડ્રગ્સ ડે / 'છેલ્લા 4 વર્ષમાં 64,561 હજાર કિલો ડ્રગ્સ અને નશીલા પદાર્થ ઝડપાયા', ગુજરાત કોંગ્રેસે સરકારને બતાવ્યો અરીસો, ઉઠાવ્યો પોલીસનો મુદ્દો

• કોંગ્રેસ પ્રવક્તા હિરેન બેન્કરના સરકાર પર પ્રહાર
• 'ડ્રગ્સ નાબૂદી માટે દેશમાં પૂરતો પોલીસ સ્ટાફ નથી'
• 'ગુજરાત ડ્રગ્સનું એપી સેન્ટર બને તે ચિંતાજનક છે'

આજે વર્લ્ડ ડ્રગ્સ દિવસ છે, ડ્રગ્સની બદીને દૂર કરવા માટે આ દિવસની ઉજવણી કરવામાં આવે છે. ત્યારે કોંગ્રેસે સરકાર પર તીખા પ્રાહર કર્યો હતાં, કોંગ્રેસ પ્રવક્તા હિરેન બેન્કરે પત્રકાર પરિષદ યોજી સરકાર પર વિવિધ આક્ષેપો કર્યો હતો.  

'ડ્રગ્સનો કારોબાર ફૂલોફાલ્યો છે'
કોંગ્રેસ પ્રવક્તા હિરેન બેન્કરે જણાવ્યું હતું કે, ગુજરાતમાં છેલ્લા કેટલાય વર્ષોથી ડ્રગ્સનો કારોબાર ફૂલોફાલ્યો છે તેમજ છેલ્લા 4 વર્ષમાં 64,561 હજાર કિલો ડ્રગ્સ અને નશીલા પદાર્થ ઝડપાયા છે તેમણે વધુમાં જણાવ્યું કે, 2018-21માં  64,561 હજાર કિલો ડ્રગ્સ અને નશીલા પદાર્થ ઝડપાયું છે તેમજ 986 લીટર પ્રવાહી ડ્રગ્સ ઝડપાયું છે. તેમણે વધુમાં ઉમેર્યું હતું કે, ડ્રગ્સ નાબૂદી માટે દેશમાં પૂરતો પોલીસ સ્ટાફ નથી. 

ડ્રગ્સના સેવન ને રોકવા સરકારે આગળ આવવું જરૂરી
તેમણે કહ્યું કે, પ્રતિ લાખ 196 પોલીસ જવાનો ફાળવાયા છે જેની સામે 152 પોલીસ જવાન છે તેમજ ગુજરાત ડ્રગ્સનું એપી સેન્ટર બને તે ચિંતાજનક છે, સરકારે ડ્રગ્સ નાબૂદી માટે સફાળું જાગવું જરૂરી છે. સરકાર સમયસર જાગૃતિ નહીં આવે તો વધુ મહિલા અને બાળકો આ દુષણનો ભોગ બનતા રહેશે. તેમણે કહ્યું કે, ડ્રગ્સના સેવન ને રોકવા સરકારે આગળ આવવું જરૂરી છે.