કોલસેન્ટર / આ પ્રકારનો કોલ આવે તો પહેલેથી ચેતી જજો! સુરતમાં ડેટા એન્ટ્રીની આડમાં કમિશન કાંડ, 11ની ધરપકડ, બોગસ વકીલ નિશા વોંટેડ

• સુરતમાંથી બોગસ કોલસેન્ટરનો પર્દાફાશ
• સુરતના સિંગણપોર હાઇવે પરથી ઝડપાયું 
• પોલીસે મહિલા સહિત 11 લોકોની કરી ધરપકડ

રાજ્યમાં અનેક સ્થળોએ બોગસ કોલ સેન્ટર ઝડપાવાની ઘટના સામે આવતી હોય છે. જેને અટકાવામાં પોલીસનો પન્નો ટૂંકો પડી રહ્યો છે. તેવામાં સુરતના સિંગણપોર કોઝવે રોડ પર કંથરીયા હનુમાનજી મંદિર પાસે સિલ્વર સ્ટોન આર્કેટના પહેલા માળે આવેલ ઓફિસમાં પોલીસે દરોડો પાડી કોલ સેન્ટર ઝડપી પાડતા ચકચાર મચી હતી.  જેને લઈને પોલીસે કોલ સેન્ટરના સંચાલક સહિત અગિયાર લોકોની ધરપકડ કરી કાયદેસરની કાર્યવાહી હાથ ધરી હતી.

કોન્ટ્રાકટ ભંગ બદલ પેનલ્ટી આપવાની વાત કરી કરતા હતા ઉઘરાણી

સુરતના સિલ્વર સ્ટોન આર્કેટના પહેલા માળે આવેલ ઓફિસમાં બોગસ કોલ સેન્ટર ઝડપાતા ચકચાર મચી છે. પોલીસે બોગસ કોલસેન્ટરનો પર્દાફાશ કરી  મહિલા સહિત 11 લોકોની ધરપકડ કરી હતી. પોલીસની તપાસમાં સામે આવ્યું કે કોલસેન્ટરમાં આરોપીઓ ગ્રાહકોને ડેટા એન્ટ્રીને લગતા કામ આપતા હતા. જેમાં 90 ટકા થી ઉપર કામ થાય તો કમિશન આપવાની વાત કરી કોન્ટ્રાકટ કરતા હતા અને અને 90 ટકાથી ઓછુ કામ થાય તો કોન્ટ્રાકટ ભંગ બદલ પેનલ્ટી આપવાની વાત કરી ઉઘરાણી કરતા હતા.

મહિલાઓ અને પુરુષ મળી 11 શખ્સોને ઉઠાવી લીધા

આ રીતને કોન્ટ્રાકટ કર્યા બાદ ટોળકી ગ્રાહકોના ડેટા એન્ટ્રીનું કામ ગ્રાહકોનું 80 થી 85 ટકા થાય તેવી  ગોઠવણ કરતા હતા. ત્યારબાદ ગ્રાહકોને કોન્ટ્રાક ભંગ અંગે પોલીસ કે કોર્ટમાં કેસ કરવાની ધમકી આપી પેનેલ્ટી પેટે 6,500ની વસુલાત કરતા હતા. હાલ પોલીસે કોલસેન્ટર ચલાવતી ટોળકીની ધરપકડ કરી વકીલ તરીકે વાત કરનાર નીશા નામની યુવતીને વોન્ટેડ બતાવી છે. જ્યારે સેન્ટરના સંચાલક શકીલ વલી મંહમદ સહિત મહિલાઓ અને પુરુષ મળી 11 શખ્સોને ઉઠાવી લીધા છે.