- CNGના ભાવ વધતાં ઓટોરિક્ષા વેલફેર એસો.ની મિનિમમ ભાડું વધારવાની માંગ
- એસો.ના પ્રમુખએ રાજ્યના વાહનવ્યવહાર મંત્રીને આવેદનપત્ર આપી કરી રજૂઆત
- હવે મિનિમમ ભાડું રૂ.18માં વધારો કરી રૂ.30 કરી આપવામાં આવે.
એક વર્ષમાં જ સીએનજીના ભાવમાં 18 વખત વધારો થયો છે.
પેટ્રોલ-ડિઝલ બાદ હવે CNGના ભાવમાં વધારો કરાતા સામાન્ય જનતા ત્રાહિમામ પોકારી ઉઠી છે, ત્યારે આજે પણ CNG ગેસના ભાવમાં 2.50 રૂપિયાનો તોતિંગ વધારો ઝિંકાતા નાગરિકોને નવા વર્ષના પ્રથમ દિવસે જ ઝટકો લાગ્યો છે ત્યારે સીએનજીના ભાવમાં સતત વધારો થઈ રહ્યો છે. શનિવારે સીએનજીના ભાવમાં રૂ.2.50નો વધારો નોંધાવા સાથે જ ભાવ રૂ. 70.09 થયો છે. એક વર્ષમાં સીએનજીનો ભાવ રૂ.53.7થી વધીને 70.09 સુધી પહોંચ્યો છે. એક વર્ષમાં જ સીએનજીના ભાવમાં 18 વખત વધારો થયો છે.
હવે મિનિમમ ભાડું રૂ.18માં વધારો કરી રૂ.30 કરી આપવામાં આવે.
રિક્ષા-ઓટોરિક્ષા ચાલક વેલ્ફેર એસો.ના પ્રમુખએ રાજ્યના વાહનવ્યવહાર મંત્રીને આવેદનપત્ર પાઠવી રજૂઆત કરી છે કે, તાજેતરમાં જ સીએનજી દરમાં વધારો થતાં રિક્ષાભાડામાં આંશિક વધારો કરાયો હતો. જોકે આ રીતે સીએનજીના ભાવમાં વધારો થાય તો રિક્ષાચાલકોને ભાડામાં અપાયેલો વધારો દેખાય પણ નહિ ત્યારે હવે મિનિમમ ભાડું રૂ.18માં વધારો કરી રૂ.30 કરી આપવામાં આવે. જ્યારે કિમીના રનિંગમાં રૂ.20 પ્રતિ કિમી કરવા પણ રજૂઆત કરવામાં આવી છે.
ક્યારે કેટલો વધારો થયો?
તારીખ સીએનજી ભાવ
25 જાન્યુ.2020 53.67
8 એપ્રિલ 52.67
9 એપ્રિલ 54.82
27 એપ્રિલ 53.17
10 ઓક્ટોબર 51.86
16 નવેમ્બર 52.36
25 જાન્યુ. 2021 53.67
17 ફેબ્રુઆરી 54.62
8 જુલાઇ 55.03
6 ઓગષ્ટ 56.03
2 ઓક્ટોબર 58.56
6 ઓક્ટોબર 59.86
11 ઓક્ટોબર 61.49
17 ઓક્ટોબર 62.99
2 નવેમ્બર 64.99
5 ડિસેમ્બર 65.74
19 ડિસેમ્બર 67.59
1 જાન્યુ. 2022 70.09
નવા વર્ષના પ્રારંભે જ મધ્યમ વર્ગને મોંઘવારીનો બૂસ્ટર ડોઝ
અદાણીએ CNG સાથે ઘર વપરાશના PNGમાં પણ કર્યો ભાવ વધારો કર્યો છે PNGમાં 1.60 MMBTU સુધીના વપરાશ પર રૂ.56નો વધારો કર્યો છે. જેને લઈને PNG ગેસનો ઓછો વપરાશ કરનારના બિલમાં અસર થશે.ઉલ્લેખનીય છે કે, ગઈ કાલે અદાણીએ CNGના ભાવમાં પણ રૂ. 2.50નો કર્યો છે વધારો
અમદાવાદમાં CNGના ભાવમાં 2.50 રૂપિયાનો વધારો
1લી જાન્યુઆરીથી શરૂ થતા નવા વર્ષની સાથે લોકો પર મોંઘવારીનો વધુ એક માર પડવાની શરૂઆત થઇ ચૂકી છે. નવા વર્ષની શરૂઆત સાથે CNGના ભાવમાં વધારો કરવામાં આવ્યો છે. અમદાવાદમાં CNGના ભાવમાં 2.50 રૂપિયાનો વધારો થયો છે. અમદાવાદમાં CNGના ભાવ 70ને પાર પહોંચ્યા છે. CNGના ભાવ વધતા લોકોને વધુ બોજો પડે એવી શક્યાતો દર્શાવાઇ રહી છે.
