સામાન્ય જનતાને મોટો ઝટકો / તહેવારોની સિઝનમાં દેશના આ શહેરમાં CNG-PNGના ભાવમાં તોતિંગ વધારો, જાણો કેટલા વધ્યાં

• તહેવારોની સિઝનમાં સામાન્ય જનતાને મોટો ઝટકો
• CNG અને PNGના ભાવમાં ઝીંકાયો તોતિંગ વધારો
• દિલ્હી અને એનસીઆરમાં 3 રૂપિયાનો વધારો

તહેવારોની સિઝનમાં દિલ્હી-NCRના લોકોને મોંઘવારીનો ઝટકો લાગ્યો છે. દિલ્હી-એનસીઆરમાં કંપ્રેસ્ડ નેચરલ ગેસ (CNG)ની કિંમતોમાં આજથી વધારો ઝીંકવામાં આવ્યો છે.  નેચરલ ગેસ કંપની ઈન્દ્રપ્રસ્થ ગેસ લિમિટેડ (IGL)એ CNGના ભાવમાં 3 રૂપિયાનો વધારો કર્યો છે. આ સાથે IGLએ PNGની કિંમતમાં પણ સ્ટાન્ડર્ડ ક્યુબિક મીટર (SCM) દીઠ રૂ. 3નો વધારો કર્યો છે. આ વધારો એવા સમયે કરવામાં આવ્યો છે જ્યારે તહેવારોની સિઝન ચાલી રહી છે. આવી સ્થિતિમાં લોકોના તહેવારોનો સ્વાદ બગડી શકે છે.

આજથી લાગુ થઈ ગયા નવા ભાવ
વાસ્તવમાં 7 ઓક્ટોબરે સાંજે દિલ્હી એનસીઆરમાં સીએનજીના નવા ભાવની જાહેરાત કરવામાં આવી હતી, જે મુજબ હવે સીએનજી પર ત્રણ રૂપિયા પ્રતિ કિલોનો વધારો કરવામાં આવ્યો છે. નવા ભાવ 8 ઓક્ટોબર એટલે કે આજથી લાગુ થઈ ગયા છે. આપને જણાવી દઈએ કે, છેલ્લા એક વર્ષમાં નેચરલ ગેસના ભાવમાં કેટલોય વધારો ઝીકવામાં આવ્યો છે. 

ક્યાં કેટલા હશે CNGના ભાવ?

• દિલ્હીમાં CNGના ભાવ 75.61 રૂપિયા પ્રતિ કિલોથી વધીને 78.61 રૂપિયા પ્રતિ કિલો થઈ ગયા છે.
• નોઈડા, ગ્રેટર નોઈડા અને ગાઝિયાબાદમાં સીએનજી ભાવ 78.17 રૂપિયાથી વધીને 81.17 રૂપિયા પ્રતિ કિલો થઈ ગયા છે.
• ગુરુગ્રામમાં CNGના ભાવ 83.94 રૂપિયાથી વધીને 86.94 રૂપિયા પ્રતિ કિલો થઈ ગયા છે.
• રેવાડીમાં 86.07 રૂપિયાથી વધીને 89.07 રૂપિયા પ્રતિ કિલો થઈ ગયા છે.
• કરનાલ અને કૈથલમાં સીએનજીના ભાવ 84.27 રૂપિયાથી વધીને 87.27 રૂપિયા પ્રતિ કિલો થઈ ગયા છે.
• મુઝફ્ફરનગરમાં CNGના ભાવ 82.84 રૂપિયાથી વધીને 85.84 રૂપિયા પ્રતિ કિલો થઈ ગયા છે.
• કાનપુરમાં ભાવ 87.40 રૂપિયાથી વધીને 89.81 રૂપિયા પ્રતિ કિલો થઈ ગયા છે.

જાણો PNGના ભાવ

• દિલ્હીમાં પીએનજીના ભાવ વધીને 53.59 પ્રતિ સ્ટેંડર્ડ ક્યૂબિક મીટર થઈ ગયા છે. 
• નોઈડા, ગ્રેટર નોઈડા અને ગાજિયાબાદમાં ભાવ 53.46 પ્રતિ સ્ટેંડર્ડ ક્યૂબિક મીટર થઈ ગયા છે.
• મુઝફ્ફરનગર, સામલી અને મેરઠમાં ભાવ 56.97 પ્રતિ સ્ટેંડર્ડ ક્યૂબિક મીટર પહોંચી ગયા છે.
• કાનપુર, ફતેહપુર અને હમીરપુરમાં પીએનજીના ભાવ વધીને 56.140 થઈ ગયા છે.