જાહેરાત / ગાંધીનગર થી અમદાવાદ મેટ્રો સેવા આ તારીખે થોડા સમય માટે સ્થગિત રહેશે, CMRS દ્વારા નિરીક્ષણ

કમિશનર ઓફ મેટ્રો રેલ સેફ્ટી (CMRS) દ્વારા તારીખ 9મી જાન્યુઆરી 2025ના રોજ થશે આ ફેરફાર. વાત એમ છે કે, ફેઝ-2 કોરિડોર ના મોટેરા સ્ટેડિયમથી સેક્ટર-1 સુધી અને GNLU થી ગિફ્ટસિટી મેટ્રો સ્ટેશન સુધી નિરીક્ષણ કરવામાં આવશે.

નિરીક્ષણ દરમિયાન મોટેરા સ્ટેડિયમથી ગાંધીનગર સેક્શન વચ્ચે મેટ્રો ટ્રેન સેવાઓ થોડા સમય સુધી સ્થગિત રહેશે. મોટેરા સ્ટેડિયમથી સેક્ટર-1માં અને GNLU થી ગિફ્ટસિટી મેટ્રો સ્ટેશન સવારના 10.40 વાગ્યાથી સાંજના 4 વાગ્યા સુધી સ્થગિત રહેશે.

વધુ વાંચો: રાજ્યભરમાં કોચિંગ સેંટર પર સ્ટેટ GSTના દરોડા, 36 સ્થળો પરથી આટલા કરોડની કરચોરી ઝડપી

જો કે, સેક્ટર-1 થી મોટેરા સ્ટેડિયમ તરફની છેલ્લી ટ્રેન 9મી તારીખના રોજ સવારે 10.00 વાગતા ઉપડશે. તદુપરાંત GNLU થી ગિફ્ટ સિટી માટેની ટ્રેન સવારે 9.45 વાગતા ઉપડશે.

બીજું કે, સાંજના 4 વાગ્યા પછી મોટેરા સ્ટેડિયમથી સેક્ટર-1 તરફની ટ્રેન અને GNLU થી ગિફ્ટ સિટી સુધીની મેટ્રો ટ્રેનની સેવાઓ હાલના સમયપત્રક મુજબ જ કાર્યરત રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ