ખુશખબરી / UPમાં સરકારી કર્મચારીઓને CM યોગીએ આપી મોટી ગિફ્ટ, એક સાથે 16% વધાર્યું મોંઘવારી ભથ્થું

• ઉત્તર પ્રદેશના સરકારી કર્મચારીઓ માટે સૌથી મોટા સમાચાર 
• યોગી સરકારે રાજ્યમાં કામ કરતા કામદારોને આપી મોટી ભેટ 
• સરકારી કર્મચારીઓનું મોંઘવારી ભથ્થું એક સાથે 16% વધાર્યું 

ઉત્તર પ્રદેશના સરકારી કર્મચારીઓ માટે સૌથી મોટા સમાચાર સામે આવ્યા છે. વાત જાણે એમ છે કે, યોગી સરકારે રાજ્યમાં કામ કરતા કામદારોને મોટી ભેટ આપી છે. હકીકતમાં યોગી સરકારે પાંચમા પગાર ધોરણના કર્મચારીઓના ડીએમાં 16 ટકાનો વધારો કર્યો છે. પહેલા જ્યાં કર્મચારીઓને 396 ટકા ડીએ મળતું હતું હવે તે 412 ટકા મળશે.

ઉત્તર પ્રદેશના સરકારી કર્મચારીઓને CM યોગીએ મોટી ભેટ આપી છે. મોંઘવારી ભથ્થાનો નવો દર જાન્યુઆરી 2023થી લાગુ કરવામાં આવ્યો છે. આ સાથે પગાર ધોરણમાં કામ કરતા અધિકારીઓ અને કર્મચારીઓને 396ને બદલે મૂળ પગારના 412 ટકાના દરે મોંઘવારી ભથ્થું મળશે. મોંઘવારી ભથ્થામાં વધારાનો આ લાભ જાન્યુઆરી 2023થી આપવામાં આવશે. સરકારના આ નિર્ણયનો લાભ યુપી સરકારમાં કામ કરતા મોટી સંખ્યામાં કર્મચારીઓને મળશે.