મોટી ખબર / ખુશખબર : આ રાજ્યમાં સરકારે ઘટાડી દીધા પેટ્રોલ-ડીઝલના ભાવ, જાણો કેટલું સસ્તું થયું

• લોકોને મોટી રાહત 
• છત્તીસગઢ સરકારે પેટ્રોલ-ડીઝલ પરનો વેટ ઘટાડ્યો
• પેટ્રોલ પરના વેટમાં 1 ટકા અને ડીઝલ પરના વેટમાં 2 ટકાનો ઘટાડો
• પેટ્રોલ અને ડીઝલ સસ્તા થયા 

લોકોને રાહત આપતાં મુખ્યમંત્રી ભૂપેશ બઘેલે પેટ્રોલ અને ડીઝલ પર વેટ (વેટ)માં ઘટાડો કરવાની જાહેરાત કરી છે. છત્તીસગઢ સરકારે ડીઝલમાં ૨ ટકા અને પેટ્રોલમાં એક ટકાનો ઘટાડો કર્યો છે. આ માહિતી છત્તીસગઢના સીએમઓએ એક ટ્વીટમાં આપી હતી.

વેટ ઘટાડો અંગે માહિતી આપતાં છત્તીસગઢના સીએમઓએ ટ્વીટ કર્યું હતું કે, "મુખ્યમંત્રી ભૂપેશ બઘેલે મંત્રીમંડળમાં લીધેલા મહત્વપૂર્ણ નિર્ણયોથી છત્તીસગઢના લોકોને મોટી રાહત આપી છે.  સરકારે ડીઝલમાં વેટ પર ૨ ટકાનો અને પેટ્રોલમાં એક ટકાનો ઘટાડો કર્યો છે આને કારણે રાજ્ય સરકારને લગભગ 1,000 કરોડ રૂપિયાનું નુકસાન થશે.

#CabinetUpdates
मुख्यमंत्री श्री @bhupeshbaghel द्वारा #छत्तीसगढ़ की जनता को बड़ी राहत देते हुए कैबिनेट में लिए गए महत्वपूर्ण निर्णय
🔻पेट्रोल-डीज़ल के दाम में की गयी बड़ी कटौती
🔻डीज़ल में VAT पर 2% की कमी (1/2)#FuelPriceGoesDown @DPRChhattisgarh @PIBHindi @AHindinews @ANI

— CMO Chhattisgarh (@ChhattisgarhCMO) November 22, 2021

વેટ ઘટાડા બાદ પેટ્રોલ 1 રુપિયો અને ડીઝલ 2 રુપિયા સસ્તુ
વેટ ઘટાડાના બઘેલ સરકારના નિર્ણય બાદ રાજ્યમાં પેટ્રોલ 1 રુપિયો અને ડીઝલ 2 રુપિયા સસ્તુ થયું છે. દિવાળી નિમિત્તે કેન્દ્ર સરકારે પેટ્રોલ અને ડીઝલના ભાવ ઘટાડવા માટે એક્સાઇઝ ડ્યુટીમાં પાંચ રૂપિયા અને 10 રૂપિયાનો ઘટાડો કરવાની જાહેરાત કરી હતી. ત્યારબાદ પેટ્રોલ અને ડીઝલના ભાવમાં કોઈ વધારો થયો નથી. કેન્દ્રના નિર્ણય બાદ એનડીએ શાસિત રાજ્ય સરકારોએ પણ તેલના ભાવમાં ઘટાડો કર્યો હતો. ત્યારે સવાલ એ ઊભો થયો કે કોંગ્રેસ શાસિત રાજ્ય સરકારો પેટ્રોલ અને ડીઝલ પરવેટ ક્યારે ઘટાડશે. બાદમાં પંજાબ, રાજસ્થાન સરકારે પેટ્રોલ અને ડીઝલ પરનો વેટ ઘટાડ્યો હતો.