કરુણાંતિકા / કુદરતની આ કેવી બલિહારી! એક જ પરિવારના 10 સહિત 11 લોકોને કાળ ભરખી ગયો, લગ્નમાં જઈ રહ્યા હતા ને અકસ્માત નડ્યો

 

• છત્તીસગઢમાં ભયાનક માર્ગ અકસ્માત
• લગ્નમાં જઈ રહેલા સાહુ પરિવારને નડ્યો અકસ્માત 
• દોઢ વર્ષના બાળક સહિત 11ના મોત

છત્તીસગઢમાં બુધવારે રાત્રે એક ભયાનક માર્ગ અકસ્માત સર્જાયો હતો. અહીંના બાલોદમાં એક બોલેરો કાર ટ્રક સાથે ધડાકાભેર અથડાઈ હતી. આ અકસ્માત એટલો ભયાનક હતો કે કારના ફુરચે ફુરચા ઉડી ગયા હતા અને તેમાં સવાર 11 લોકોના મોત થયા હતા. જેમાંથી 10 લોકો તો એક જ પરિવારના હતા. મૃતકોમાં દોઢ વર્ષના એક બાળકનો પણ સમાવેશ થાય છે. આ તમામ લોકો લગ્નમાં જઈ રહ્યા હતા. 

Chhattisgarh |10 killed and one child seriously injured after a truck and car collided near Jagatra in Balod district. The injured has been referred to Raipur for better treatment. Search for the driver of the truck underway: Jitendra Kumar Yadav, SP Balod pic.twitter.com/imklW8bqlP

— ANI MP/CG/Rajasthan (@ANI_MP_CG_RJ) May 3, 2023

 

મરકટોલા લગ્નમાં જતી વખત નડ્યો અકસ્માત
કાંકેર નેશનલ હાઈવે પર જગતરા પાસે આ દુર્ઘટના સર્જાઈ હતી. એવું કહેવામાં આવી રહ્યું છે કે આ પરિવાર ધમતરીના સોરમ ગામથી બોલેરોમાં સવાર થઈને લગ્નમાં મરકટોલા જઈ રહ્યો હતો. પરંતુ આ પરિવારને વચ્ચે જ અકસ્માત નડ્યો હચો. મૃતકોમાં બે બાળકો અને 5 મહિલાઓનો પણ સમાવેશ થાય છે. 

મુખ્યમંત્રી ભૂપેશ બઘેલે શોક વ્યક્ત કર્યો
પોલીસ અધિક્ષક જિતેન્દ્ર કુમાર યાદવે જણાવ્યું કે આ ઘટના બુધવારે રાત્રે બની હતી. આ અકસ્માતમાં 11 લોકોના મોત થયા છે. આ તમામ લોકો લગ્નમાં હાજરી આપવા માટે મરકટોલા જઈ રહ્યા હતા. ટક્કર એટલી ભયાનક હતી કે 10 લોકોના ઘટનાસ્થળે જ મોત થયા હતા. જ્યારે એક વ્યક્તિએ હોસ્પિટલમાં જતી વખતે જીવ ગુમાવ્યો હતો. તેમણે જણાવ્યું કે, તમામના મૃતદેહોને પોસ્ટમોર્ટમ માટે હોસ્પિટલમાં મોકલવામાં આવ્યા છે. બીજી તરફ મુખ્યમંત્રી ભૂપેશ બઘેલે આ ઘટના પર શોક વ્યક્ત કર્યો છે.

अभी अभी सूचना मिली है कि बालोद के पुरूर और चारमा के बीच बालोदगहन के पास शादी कार्यक्रम में जा रही बोलेरो और ट्रक के बीच भिड़ंत में 10 लोगों की मृत्यु हो गई है एवं एक बच्ची की स्थिति गंभीर है।

ईश्वर दुर्घटना में दिवंगत आत्माओं को शांति एवं उनके परिवारजनों को हिम्मत दे। घायल बच्ची…

— Bhupesh Baghel (@bhupeshbaghel) May 3, 2023

 અકસ્માતમાં 11 લોકોના મોત 
- કેશવ સાહુ (34)
- ડોમેશ ધ્રુવ (19)
- તોમિન સાહુ (33)
- સંધ્યા સાહુ (24)
- રામા સાહુ (20)
- શૈલેન્દ્ર સાહુ (22)
- લક્ષ્મી સાહુ (45)
- ધરમરાજ સાહુ (55)
- ઉષા સાહુ (52)
- યોગાંશ સાહુ (3)
- ઇશાન સાહુ દોઢ વર્ષ