હેલ્થ / છાતીમાં દુખાવો અને થાક, સવારે ઉઠતાની સાથે પુરૂષોમાં આ સંકેત હાર્ટ બ્લોકેજની નિશાની

કોઈ મોટી બીમારી થતાં પહેલા આપણું શરીર અમુક નાના નાના સંકેતો આપે છે. આવો જ એક સંકેત છે 'મોર્નિંગ ઇરેક્શન' કે 'મોર્નિંગ વુડ' છે. જે સવારે પુરુષોમાં જોવા મળે છે. આ સંકેત માત્ર સેક્સ્યુઅલ હેલ્થનું પ્રતીક નથી, પણ હૃદયના સ્વાસ્થ્ય સાથે પણ ઊંડો સંબંધ ધરાવે છે. જો આ સામાન્ય શારીરિક પ્રક્રિયા સવારમાં વારંવાર ગાયબ રહે તો તે હાર્ટ બ્લોકેજ જેવી ગંભીર બીમારીનો સંકેત હોઈ શકે છે.

'નોક્ટર્નલ પેનાઇલ ટ્યુમસેન્સ' (NPT) કે મોર્નિંગ ઇરેક્શન પુરુષોની ઊંઘ દરમિયાન થાય છે, ખાસ કરીને રેપિડ આઇ મૂવમેન્ટ સ્ટેજમાં થાય છે. જે શરીરમાં ટેસ્ટોસ્ટેરોનના સ્ત્રાવ અને પેનાઇલ ટિશ્યૂમાં બ્લડ ફ્લોના વધવાના કારણે થાય છે. જો મોર્નિંગ ઇરેક્શન અચાનક ઓછું કે ગાયબ થઈ જાય તો તે બ્લડ ફ્લો, હોર્મોન લેવલ કે નર્વ ફંક્શનમાં સમસ્યાનો સંકેત હોઈ શકે છે.

• ઇરેક્ટાઇલ ડિસફંક્શન અને હાર્ટ હેલ્થનો સંબંધ

ઇરેક્ટાઇલ ડિસફંક્શન (ED) એ હ્રદય રોગની શરૂઆતના સંકેત માનવામાં આવે છે. રિસર્ચમાં જાણવા મળ્યું છે કે જેવી રીતે કોરોનરી નસોમાં પ્લેકની રચના બ્લડ ફ્લોમાં અવરોધ પેદા કરે છે, તે સમસ્યા પેનાઇલ નસોમાં પણ થઈ શકે છે. પેનાઇલ નસોમાં કોરોનરી ધમનીઓથી નાની હોય છે. આ માટે તેના બ્લોકેજના લક્ષણો વહેલા દેખાય છે. એક અભ્યાસમાં જાણવા મળ્યું છે કે ઇરેક્ટાઇલ ડિસફંક્શનથી પીડિત પુરુષોને કાર્ડિયોવેસ્ક્યુલર સમસ્યા થવાની સંભાવના વધુ હોય છે.

• મોર્નિંગ ઇરેક્શન કેવી રીતે આપે છે હાર્ટ બ્લોકેઝનો સંકેત?

મોર્નિંગ ઇરેક્શન માટે હેલ્થી બ્લડ ફ્લો અને નસોનું લચીલુ હોવું જરૂરી છે. જો લગાતાર મોર્નિંગ ઇરેક્શન ન થઈ રહ્યું હોય, તો તે ધમનીઓમાં બ્લોકેઝ અથવા બ્લડ ફ્લોની સમસ્યા હોવાનો સંકેત હોઈ શકે છે.

• ટેસ્ટોસ્ટેરોન અને હાર્ટ ડિઝીઝ
  ટેસ્ટોસ્ટેરોનનું લો લેવલ પણ મોર્નિંગ ઇરેક્શનમાં ઉણપ હોવાનું કારણ બની શકે છે. વધતી ઉંમર સાથે ટેસ્ટોસ્ટેરોનનું લેવલ ઘટે છે, પરંતુ ડાયાબિટીસ અથવા હૃદય રોગ જેવી સમસ્યાઓ તેને વધુ ઘટાડી શકે છે. લો ટેસ્ટોસ્ટેરોનનો સંબંધ કોરોનરી આર્ટરી ડિસીઝ (CAD) અને મેટાબોલિક સમસ્યાઓ સાથે પણ જોડાયેલ હોય છે.

વધુ વાંચો : પેશાબ કરતી વખતે થઇ રહ્યો છે અસહ્ય દુખાવો? તો હોઇ શકે છે આ ગંભીર કારણ, ભૂલથી પણ નજરઅંદાજ ન કરતા

• ક્યારે રહેવું સતર્ક?
  જો અમુકવાર જ મોર્નિંગ ઇરેક્શન ન થાય તો તે ચિંતાનો વિષય નથી હોતો. પરંતુ જો આવું સતત થતું રહે અને તેની સાથે છાતીમાં દુખાવો, થાક કે શ્વાસ લેવામાં તકલીફ જેવા લક્ષણો દેખાય તો તરત જ ડૉક્ટરનો સંપર્ક કરવો. તે હાર્ટ બ્લોકેજનો શરૂઆતનો સંકેત હોઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ